Школа сярэдняя Глінская, ДУА. Докшыцкі раён, в. Гліннае
- Подробности
- Створана 18.04.2017 08:40
- Адноўлена 30.07.2019 09:59
| Сучасная назва | ДУА «Глінская сярэдняя школа Докшыцкага раёна» |
| Тып | дзяржаўная ўстанова адукацыі |
| Дата заснавання | 1927 |
| Месца знаходжання | Віцебская вобласць, Докшыцкі раён, в. Гліннае |
| Афицыйны сайт | https://glinnoe.schools.by |
Школа ў в. Гліннае была адкрыта ў 1927 годзе. Спачатку пачатковая, а ў 1932 годзе рэарганізавана ў сямігадовую і ў той час яна лічылася школай Бягомльскага раёна Мінскай вобласці.
Новае памяшканне школа атрымала ў 1947 годзе. З 1974 года школа мае статус – Глінская сярэдняя школа. З 2012 года перайменавана ва ўстанову адукацыі «Глінская сярэдняя школа Докшыцкага раёна».
Тут працуе школьны этнаграфічны музей «Спадчына», які быў заснаваны ў 1990 годзе настаўніцай беларускай мовы і літаратуры Лідзіяй Маркавец (зараз на заслужаным адпачынку). Увесь гэты час ён служыць патрыятычнаму выхаванню дзяцей, якое немагчыма без развіцця цікавасці да мінуўшчыны, павагі да працавітых і таленавітых продкаў. З цягам часу экспазіцыю перамясцілі са школьнага будынка ў асобную драўляную хатку. Яна змяшчае паўтысячы рэчаў сялянскага побыту, назбіраных падчас вучнёўскіх пошукавых экспедыцый, якія звычайна ладзяцца па вёсках летам.
Музей у школьным асяроддзі вядомы не толькі цікавай калекцыяй, але і экскурсаводамі. Яны паспяхова ўдзельнічалі ў рэспубліканскай акцыі «Жыву ў Беларусі і тым ганаруся». У 2010 годзе атрымалі першае месца на рэспубліканскім конкурсе школьных этнаграфічных музеяў. У 2013 годзе на рэспубліканскім конкурсе юных экскурсаводаў музеяў устаноў адукацыі – 1-е месца ў намінацыі «Гісторыя аднаго экспаната».
Адрас: Віцебская вобласць, Докшыцкі раён, в. Гліннае, вул. Школьная, 1.
|
ЛІТАРАТУРА
1. Дземідовіч, М. Ведай свой край, ганарыся мінулым / М. Дземідовіч // Родныя вытокі (Докшыцы). – 2017. – 29 лістап. – С. 5.
2. Канавалава, А. Жывы твар музея / А. Канавалава // Родныя вытокі (Докшыцы). – 2014. – 8 студз. – С. 2.
3. Таракан, А. Добрыя справы піянераў / А. Таракан // Ленінская трыбуна (Докшыцы). – 1981. – 20 студз. – С. 4.
4. Штрыхі да партрэта / падрыхт. Я. Малевіч // Родныя вытокі (Докшыцы). – 2017. – 25 студз. – С. 5.
5. Шпакоўская, Г. У продкаў ёсць чаму павучыцца / Г. Шпакоўская // Витебские вести. – 2015. – 16 июля. – С. 22.
