Афганистан. Без права на забвение

Афганистан. Без права на забвение

Афганистан. Без права на забвение

Художники Витебщины

Художники Витебщины

Художники Витебщины

Дзіцячы сад-сярэдняя школа Празароцкая імя І. Ц. Буйніцкага, ДУА. Глыбоцкі раён, аг. Празарокі

 

Сучасная назва ДУА «Празароцкая дзіцячы сад–сярэдняя школа імя І. Ц. Буйніцкага»
Тып дзяржаўная ўстанова адукацыі
Дата заснавання 1885
Месца знаходжання Віцебская вобласць, Глыбоцкі раён, аг. Празарокі
Сайт http://prozoroki.rooglub.gov.by/

 

Гісторыя школы пачынаецца з ХVІІ стагоддзя, калі манахі заснавалі ў Празароках францысканскі кляштар. Пры кожным кляштары ў той час існавала школа.

У 1885 г. у аграгарадку з'явілася гмінная школа. Яна ўтрымлівалася за кошт дзяржаўнага казначэйства і сялян.

У 1900 г. тут было адкрыта народнае вучылішча. У сярэднім настаўнік у той час праводзіў 30 урокаў у тыдзень, гадавы заробак складаў 360 рублёў. У 1900/01 навучальным годзе вучылішча наведвалі 57 хлопчыкаў і 7 дзяўчынак. Навучальны год працягваўся 127 дзён.

У 1920–1930 гг. у Празароках дзейнічала школа з сямігадовым тэрмінам навучання.

У другой палове 1930-х гг. для сямігодкі быў пабудаваны новы будынак, у якім было 7 класных пакояў, вестыбюль, калідор, настаўніцкая і кватэра для дырэктара з асобным уваходам. У школе карысталіся наступнымі падручнікамі: «Біблія», «Слова божае», «Агародніцтва», «Анатомія чалавека». Навучанне вялося на польскай мове. У школе навучалася больш за 200 дзяцей.

З 1939 г. было адменена выкладанне шэрагу прадметаў.

Са студзеня 1940 г. выкладанне вялося на рускай і беларускай мовах.

У 1947 г. Празароцкая школа набыла статус сярэдняй.

У 50-я гг. установа адукацыі размяшчалася ў 3-х драўляных будынках, адзін з якіх быў двухпавярховы. На першым паверсе была настаўніцкая, бібліятэка, кабінет дырэктара, на другім – 3 класныя пакоі. Зімой займаліся ў зімовым адзенні, пры адной керасінавай лямпе на клас, якая знаходзілася на стале настаўніка.

У 1964 г. быў пабудаваны сучасны будынак Празароцкай школы.

З 2017/18 навучальнага года ва ўстанове адукацыі рэалізуецца сацыяльна-педагагічная мадэль «Ад школы духоўнасці і нацыянальнай свядомасці да школы паспяховасці».

22 сакавіка 2018 года на базе школы адкрыты рэсурсны цэнтр «Школа духоўнасці і нацыянальнай свядомасці».

Адрас: Віцебская вобласць, Глыбоцкі раён, аг. Празарокі, вуліца Цэнтральная, д. 24 А.

 

ЛІТАРАТУРА

1. Берніковіч, Д. Школа з багатай гісторыяй / Д. Берніковіч // Витебские вести. – 2014. – 15 нояб. – С. 10.

2. Гінько, В. Слова краязнаўцы / В. Гінько // Літаратура і мастацтва. – 2012. – 2 лістап. – С. 22.

3. Ляшук, С. Зорачкі з Празарок / С. Ляшук // Витебские вести. – 2015. – 2 июля. – С. 10.

4. Сідаровіч, Г. У краіне празораў / Г. Сідаровіч // Настаўніцкая газета. – 2018. – 2 чэрв. – С. 16.