Дзіцячы сад-сярэдняя школа Удзелаўская, ДУА. Глыбоцкі раён, аг. Удзела

Подробности

Створана 03.10.2019 08:40

Адноўлена 30.03.2020 10:17

У 1906 г. было створана Удзелаўскае аднакласнае народнае вучылішча. У 1936 г. замест яго пачала дзейнічаць Удзелаўская пачатковая школа. З 1946 г. пачатковая школа стала сярэдняй.

У 1960 г. быў пабудаваны новы будынак школы.

У 1982 г. на базе Удзелаўскай школы пачала дзейнічаць вучнёўская вытворчая брыгада, якая была ўдзельніцай ВДНГ у г. Масква.

З 1995 г. установа адукацыі ўключылася ў эксперымент па дыферанцыяцыі навучальна-выхаваўчага працэсу ў сельскіх школах.

З 2003 г. у школе былі створаны ліцэйскія поліпрофільныя класы.

З 2004 г. навучальная ўстанова змяніла сваю назву на «Дзіцячы сад–сярэдняя школа», а з 2009 г. на «Удзелаўскі дзяржаўны вучэбна-педагагічны комплекс дзіцячы сад–сярэдняя школа». З 2011 г. мае назву «Дзяржаўная ўстанова адукацыі "Удзелаўская дзіцячы сад–сярэдняя школа Глыбоцкага раёна"».

На сучасным этапе ў школе навучаецца 115 вучняў у 11-ці класах-камплектах, у інтэграванай групе выхоўваецца 21 дашкольнік. Навучанне і выхаванне ажыццяўляюць 28 педагогаў, 11 з якіх маюць вышэйшую кваліфікацыйную катэгорыю, 12 – першую.

У 2017/18 навучальным годзе на ІІІ ступені агульнай сярэдняй адукацыі арганізавана профільнае навучанне, якое прадугледжвае вывучэнне беларускай мовы і матэматыкі на павышаным узроўні ў 10 класе.

Адрас: Віцебская вобласць, Глыбоцкі раён, аг. Удзела, вуліца Савецкая, д. 54.

ЛІТАРАТУРА

1. Капшуль, Г. Аграгарадок Удзела / Г. Капшуль // Веснік Глыбоччыны. – 2009. – 8 крас. – С. 1, 4.

2. Мірончык, У. Ад царкоўнапрыходскіх школ да працоўных: як развівалася народная асвета на Глыбоччыне ў пачатку ХХ стагоддзя / У. Мірончык // Веснік Глыбоччыны. – 2019. – 16 студз. – С. 6.

3. Тарасевич, Р. И. Хорошо, когда учиться ещё и выгодно / Р. И. Тарасевич // Народнае слова. – 2009. – 24 кастр. – С. 5.

4. Усцінаў, А. Памнажаючы лепшыя традыцыі / А. Усцінаў // Веснік Глыбоччыны. – 2012. – 6 кастр. – С. 1–2.