Школа сярэдняя Дабрамысленская, ДУА. Лёзненскі раён, аг. Дабрамыслі
- Подробности
- Створана 02.05.2019 08:40
- Адноўлена 10.12.2019 10:05
| Сучасная назва | ДУА «Дабрамысленская сярэдняя школа Лёзненскага раёна» |
| Тып | дзяржаўная ўстанова адукацыі |
| Дата заснавання | 1875 |
| Месца знаходжання | Віцебская вобласць, Лёзненскі раён, аг. Дабрамыслі |
| Сайт | http://dob.liozno.edu.by/ |
Гісторыя Дабрамысленскай сярэдняй школы Лёзненскага раёна пачынаецца з 1875 года. У с. Дабрамысле было адчынена народнае вучылішча.
У 1909 годзе народнае вучылішча было ператворана ў двукласную народную школу.
У перыяд нямецкай акупацыі з 11 ліпеня 1941 па 10 кастрычніка 1943 гг. школа не працавала. З восені 1943 года школа аднавіла сваю працу. Памяшканняў не было. Усе дамы былі разбураны. Навучальныя класы размяшчаліся ў вялікіх зямлянках, якія пакінулі салдаты. Першы пасляваенны выпуск адбыўся ў 1945 годзе.
У 1945 годзе быў узведзены драўляны будынак школы. Ён быў невялікім, з маленькімі класамі, драўлянымі перагародкамі, пячным ацяпленнем. Заняткі праходзілі пры газавых лямпах.
У 1975 годзе быў пабудаваны сучасны трохпавярховы будынак школы. Гэта падзея супала са 100-гадовым юбілеем школы. З 1975 года і па сённяшні дзень ДУА «Дабрамысленская сярэдняя школа» працягвае сваю працу ў гэтым будынку.
З цягам часу змяняўся і дырэктарскі склад школы: да Вялікай Айчыннай вайны – Кавалёў Барыс Рыгоравіч, Лебедзеў Канстанцін Сідаравіч; пасля вайны – Герніс Ганна Карлаўна, Дзям'янаў Міхаіл Сямёнавіч, Галісенкаў Макар Васільевіч, Касінец Мікалай Якаўлевіч, Клімашэўская Галіна Паўлаўна, Журко Серафіма Фёдараўна. З 1975 па 2008 гг. – Меліхаў Аляксандр Яфімавіч, Бедункевіч Валянціна Казіміраўна, Лукіна Галіна Васільеўна, Фалібога Сафія Апанасаўна. Зараз абавязкі дырэктара школы выконвае Атрошчанка Ігар Анатольевіч.
На сённяшні дзень ДУА «Дабрамысленская сярэдняя школа» – шматпрофільная навучальная ўстанова, якая ажыццяўляе адукацыйную і культурную падрыхтоўку.
Адрас: Віцебская вобласць, Лёзненскі раён, аг. Дабрамыслі, вуліца Гарбоўская, д. 20.
|
ЛІТАРАТУРА
1. Бельчикова, И. Школьных будней памятные вехи... / И. Бельчикова // Сцяг Перамогі (Лёзна). – 2015. – 1 верас. – С. 6.
2. Игнатенко, Т. Школа, школа... С днём рожденья! / Т. Игнатенко // Сцяг Перамогі (Лёзна). – 2015. – 27 кастр. – С. 1, 3.
3. Кавалеўскі, С. ...І стала другім домам / С. Кавалеўскі // Сцяг Перамогі (Лёзна). – 2005. – 10 снеж. – С. 2.
4. Карпекін, К. Поспехі і цяжкасці Дабрамыслянскай сямігодкі / К. Карпекін // Сцяг Перамогі (Лёзна). – 2019. – 15 сак. – С. 7.
5. Писаренко, Н. Вперед, в прошлое / Н. Писаренко // Віцьбічы = Витьбичи. – 2013. – 10 янв. – С. III.
