Дзіцячы сад-базавая школа Аболецкая, ДУА. Талачынскі раён, в. Абольцы
- Подробности
- Створана 06.02.2020 08:40
- Адноўлена 30.03.2020 10:15
| Сучасная назва | ДУА «Аболецкая дзіцячы сад–базавая школа Талачынскага раёна» |
| Тып | дзяржаўная ўстанова адукацыі |
| Дата заснавання | 1945 |
| Месца знаходжання | Віцебская вобласць, Талачынскі раён, аг. Абольцы |
| Сайт | https://oboltsy.znaj.by |
Адразу пасля вайны заняткі праводзіліся ў старым будынку школы.
У ліпені 1953 года сямігадовая школа ў Абольцах стала сярэдняй. Вучняў было шмат, школа працавала ў 2 змены.
У 1969–1971 гг. – будаваўся новы будынак школы. Па праектнай дакументацыі ён быў разлічаны на 320 навучэнцаў.
На сённяшні дзень тут 10 выхаванцаў дзіцячага сада і 60 вучняў.
Навучанне і выхаванне ажыццяўляюць 20 педагогаў, 80 % з якіх маюць вышэйшую і першую кваліфіцыйныя катэгорыі.
З верасня 2014 года Аболецкая сярэдняя школа ператворана ў базавую.
Дырэктарамі школы ў розныя гады былі: Я. Д. Дзятко, Т. Д. Баршчэўская, А. Ц. Руколь, М. М. Канюшка, М. Каваленкаў, В. І. Шыпікаў, З. Я. Дзежыкаў, В. А. Міхалап, Л. Р. Ігнаценка, І. В. Горбікава.
Зараз дырэктар школы – Горбікава Ірына Васільеўна.
З 2016 года рэалізуецца праграма «Паспяховы вучань». Пры школе дзейнічаюць гурткі па інтарэсах:
– «Народная спадчына»;
– «Чароўны крыжык». Работы ўдзельнікаў неаднаразова прадстаўляліся на выставах прыкладнога мастацтва ў Талачынскім Цэнтры дзяцей і моладзі;
– «Уводзіны ў інфарматыку».
На будынку Аболецкай школы ўсталявана мемарыяльная пліта Герою Савецкага Саюза Анташкевічу Фёдару Кузьмічу, які вучыўся ў гэтай школе да 1939 года.
Адрас: Віцебская вобласць, Талачынскі раён, аг. Абольцы, вуліца Маладзёжная, 9.
  
|
ЛІТАРАТУРА
1. Бирюков, В. Позвали родные места, родная школа / В. Бирюков // Наша Талачыншчына. – 2018. – 31 сак. – С. 1, 4.
2. Бірукоў, В. Кранальнае і заўсёды натхняльнае / В. Бірукоў // Наша Талачыншчына. – 2013. – 12 кастр. – С. 2.
3. Герой самых цяжкіх і самых светлых старонак гісторыі Аболецкай СШ / падрыхт. С. Абрамовіч // Наша Талачыншчына. – 2019. – 25 мая. – С. 4–5.
4. Горбикова, И. В. В свою любимую Оболецкую школу возвращаются – уже учителями – многие выпускники / И. В. Горбикова ; беседовал С. Абрамович // Наша Талачыншчына. – 2019. – 19 студз. – С. 2.
СПАСЫЛКІ
Аболецкая школа на сайце «Мой родны кут» Абольцы
