Дзіцячы сад-сярэдняя школа Германавіцкая, ДУА. Шаркаўшчынскі раён, аг. Германавічы
- Подробности
- Створана 10.03.2020 08:40
- Адноўлена 10.03.2020 13:45
| Сучасная назва | Германавіцкая дзіцячы сад–сярэдняя школа Шаркаўшчынскага раёна |
| Тып | дзяржаўная ўстанова адукацыі |
| Дата заснавання | 1909 |
| Месца знаходжання | Віцебская вобласць, Шаркаўшчынскі раён, аг. Германавічы |
| Сайт | http://germanovichi.sharkovschina.edu.by/ |
Першыя звесткі пра адкрыццё школы ў в. Германавічы адносяцца да 1909 г.
У 20-я гг. ХХ ст. у Германавічах дзейнічала польская школа, якая знаходзілася ў драўляным будынку.
З верасня 1939 па чэрвень 1941 гг. у вёсцы функцыянавала савецкая школа.
Пасля вызвалення в. Германавічы ў 1944 годзе ва ўцалелых пакоях левага крыла былога панскага палаца была адкрыта пачатковая школа, загадчыцай якой працавала Есіпёнак Яўгенія Ігнацьеўна.
У 1946 г. Германавіцкая школа стала сямігадовай, дырэктарам быў прызначаны Гуляеў Арсеній Іванавіч.
У 1948–1972 гг. школу ўзначальвала заслужаная настаўніца БССР Шарова Лідзія Мікалаеўна.
Першы пасляваенны выпуск Германавіцкай школы адбыўся ў 1952 годзе. Атэстат аб сярэдняй адукацыі атрымалі 14 вучняў.
Пасля выхаду Шаровай Л. М. на пенсію дырэктарам школы стаў Глушын Вікенцій Антонавіч, настаўнік рускай мовы і літаратуры.
У 1982 г. уступіў у строй новы будынак установы адукацыі.
З 1984 па 1986 гг. школу ўзначальваў настаўнік фізікі Жураў Мікалай Мікалаевіч, а з 1987 па 2006 гг. – настаўнік матэматыкі Юкша Іван Іванавіч.
У 2006 годзе па праграме «Аграгарадок» будынак школы быў капітальна адрамантаваны і мае сучасны выгляд. З гэтага ж года на пасадзе дырэктара ўстановы адукацыі працуе настаўнік замежнай мовы Маркевіч Людміла Георгіеўна.
Калектыў Германавіцкай школы складаецца з 24 педагогаў.
З 1985 г. ва ўстанове адукацыі дзейнічае гісторыка-краязнаўчы музей, працуе бібліятэка, маюцца вучэбна-вопытны ўчастак і майстэрня.
Адрас: Віцебская вобласць, Шаркаўшчынскі раён, аг. Германавічы, вуліца Школьная, д. 12.
ЛІТАРАТУРА
1. Берникович, Д. Агава для школьной коллекции / Д. Берникович // Витебские вести. – 2018. – 18 окт. – С. 22.
2. Берникович, Д. Показать красоту родной природы / Д. Берникович // Витебские вести. – 2015. – 24 марта. – С. 4.
3. Чарняўская, В. Эколага-краязнаўчая работа ў школе / В. Чарняўская // Кліч Радзімы (Шаркаўшчына). – 2016. – 25 чэрв. – С. 3.
4. Чернявская, О. «Вместе Ярче» – яркий фестиваль лета / О. Чернявская // Кліч Радзімы (Шаркаўшчына). – 2018. – 16 чэрв. – С. 1, 3.
