Школа сярэдняя імя П. М. Машэрава, ДУА. Расонскі раён, г. п. Расоны

Подробности

Створана 06.04.2020 08:40

Адноўлена 06.04.2020 11:08

У 1869 годзе было заснавана мужчынскае народнае вучылішча Узнясенскай воласці Полацкага павета Віцебскай губерні.

З 1870 года – жаночае народнае вучылішча.

У 1924 годзе Расонская пачатковая школа пераўтварылася ў школу моладзі для сялян.

У 1931–1935 гг. пры Расонскай сярэдняй школе працавалі курсы для педагогаў па падрыхтоўцы настаўнікаў для пачатковых класаў.

У 1937 годзе адбыўся першы выпуск школы. З 1 верасня 1937 года ўступіў у строй новы будынак (600 навучэнцаў) з дзесяццю класнымі пакоямі, двума кабінетамі і бібліятэкай.

15 жніўня 1939 года з Віцебскага педагагічнага інстытута ў школу быў накіраваны новы выкладчык Пётр Міронавіч Машэраў. У 1941 годзе 10 класаў скончыла 17 чалавек.

Са жніўня 1941 года ў г. п. Расоны дзейнічала падпольная патрыятычная група, якую ўзначальваў П. М. Машэраў.

У 1945–1949 гг. школа была сямігадовай. З першага верасня 1949 года адкрыўся восьмы клас. У чэрвені 1952 года адбыўся першы выпуск дзясятага класа (9 чалавек).

У 1959 годзе пачалося будаўніцтва трохпавярховага школьнага будынка на 400 вучнёўскіх месцаў, якое ўступіла ў строй у 1960 годзе. У 1971 годзе быў уведзены ў эксплуатацыю сучасны будынак.

Пастановай Савета Міністраў Беларускай ССР ад 5 студзеня 1981 года № 11 Расонскай сярэдняй школе прысвоена імя П. М. Машэрава.

У 2014 годзе дзяржаўная ўстанова адукацыі «Расонская сярэдняя школа ім. П. М. Машэрава» адзначыла свой 145-гадовы юбілей.

Задачы навучальнай установы: грамадзянска-патрыятычнае выхаванне ва ўмовах сучаснага інфармацыйнага грамадства, экалагічнае выхаванне і адукацыя, духоўна-маральнае выхаванне.

Ва ўстанове адукацыі маецца вопыт правядзення традыцыйных мерапрыемстваў: Дзень ведаў, Дзень настаўніка, «Восеньскі кірмаш», КВЗ для старшакласнікаў, дні самакіравання, Дзень маці, навагоднія прадстаўленні, вечар сустрэчы выпускнікоў, святочныя мерапрыемствы да 8 сакавіка, «Тыдзень памяці П. М. Машэрава», турыстычны злёт, «Апошні званок», выпускныя вечары.

Візітнай карткай установы адукацыі з'яўляецца школьная каманда «Зорка». На працягу шэрагу гадоў хлопцы станавілася пераможцамі абласнога этапу ваенна-спартыўнай гульні «Зарніца». Ва ўстанове адукацыі стала традыцыяй праводзіць аперацыі «Знешні выгляд», «У школу без спазненняў», «Стань прыкметным у цемры», арганізатарамі якіх з'яўляюцца самі навучэнцы.

У школе створаны ўмовы для навучання 585 вучняў у 26 класах-камплектах. Адукацыйны працэс ажыццяўляюць 66 педагогаў.

На базе ўстановы адукацыі ў 2019/2020 навучальным годзе арганізавана: у VIII класе – вывучэнне на павышаным узроўні вучэбнага прадмета «Матэматыка» ў колькасці 6 навучальных гадзін у тыдзень; у X класе – вывучэнне на павышаным узроўні вучэбнага прадмета «Беларуская мова» ў колькасці 3 вучэбных гадзін у тыдзень, вучэбнага прадмета «Матэматыка» ў колькасці 6 навучальных гадзін у тыдзень, вучэбнага прадмета «Англійская мова» ў колькасці 3 вучэбных гадзін у тыдзень.

Бібліятэка з'яўляецца структурным падраздзяленнем і інфармацыйным цэнтрам установы адукацыі. Да паслуг карыстальнікаў бібліятэкі: фонд мастацкай літаратуры (10704 экзэмпляры), вучэбныя выданні (14412 экзэмпляраў), перыядычныя выданні (6 газет і 4 часопісы), магчымасць пошуку інфармацыі ў інтэрнэце. Праца бібліятэкі плануецца на падставе задач, якія стаяць перад педагагічным калектывам школы. Навучальная ўстанова мае медыятэку.

У 2019/2020 навучальным годзе кожны чацвёрты чацвер месяца для вучняў IX–XI класаў праводзіцца адзіны дзень інфармавання пад агульным дэвізам «Крок» – «Школа Актыўнага Грамадзяніна» з запрашэннем дзяржаўных і грамадскіх дзеячаў, прадстаўнікоў органаў дзяржаўнага кіравання, дэпутатаў, медыйных персон. Асноўная ідэя праекта – стварэнне пляцоўкі для актыўнага дыялога моладзі з палітыкамі, грамадскімі дзеячамі, навукоўцамі, пісьменнікамі, журналістамі, артыстамі.

У навучальнай установе рэалізуецца творчы праект «Школьны музей як цэнтр даследчай і праектнай дзейнасці вучняў і педагогаў у сістэме грамадзянска-патрыятычнага выхавання і духоўна-маральнага развіцця».

Кваліфікацыйны ўзровень педагагічнага калектыву (76 настаўнікаў) Расонскай сярэдняй школы імя П. М. Машэрава на 2 верасня 2019 года: вышэйшая катэгорыя – 30, першая – 25, другая – 9, без катэгорыі – 12 педагогаў.

Адукацыйны ўзровень: вышэйшая адукацыя – 71, сярэдняя спецыяльная – 4 (1 навучаецца ў ВНУ), сярэдняя – 1 (навучаецца ў ВНУ).

Дырэктар школы – Марозава Алена Барысаўна.

Адрас: Віцебская вобласць, Расонскі раён, г. п. Расоны, вуліца Машэрава, д. 2.

ЛІТАРАТУРА

1. Алексеева, М. «Эврика»: жажда научного познания / М. Алексеева // Голас Расоншчыны. – 2018. – 24 сак. – С. 8.

2. Аляксеева, М. Добры позірк знаёмых вачэй / М. Аляксеева // Голас Расоншчыны. – 2005. – 22 лістап. – С. 3.

3. Алексеева, М. С юбилеем, Россонская школа! / М. Алексеева // Голас Расоншчыны. – 2014. – 27 снеж. – С. 5.

4. Бородулькина, А. Школьные годы – начало начал / А. Бородулькина // Голас Расоншчыны. – 2019. – 16 лют. – С. 8.

5. Гісторыя ў лічбах і фактах // Голас Расоншчыны. – 1999. – 26 лістап. – С. 1.

6. Гореликова, И. 150 лет, 150 вех, 150 страниц Россонской школы! / И. Гореликова // Голас Расоншчыны. – 2019. – 21 снеж. – С. 7.

7. Гореликова, И. «Достучаться до каждого сердца тех, кого ты решился учить...» / И. Гореликова // Голас Расоншчыны. – 2019. – 6 крас. – С. 9.

8. Грэчка, І. Падпалкоўнік у званні педагога / І. Грэчка // Настаўніцкая газета. – 2018. – 17 лют. – С. 11.

9. Князева, К. Усё пачыналася з народнай вучэльні... / К. Князева // Народнае слова. – 2009. – 3 снеж. – С. 9.

10. Кожар, М. Першая настаўніца мая / М. Кожар // Голас Расоншчыны. – 2002. – 4 кастр. – С. 2.

11. Лазовская, Ж. Талант под парту не спрячешь / Ж. Лазовская // Рэспубліка. – 2009. – 9 крас. – С. 5.

12. Лебедзева, В. Дваццаць год плённай працы / В. Лебедзева // Голас Расоншчыны. – 2003. – 19 верас. – С. 2.

13. Лебедзева, В. Захопленая спортам / В. Лебедзева // Голас Расоншчыны. – 2003. – 14 сак. – С. 2.

14. Лебедзева, В. Спецыяліст высокай пробы / В. Лебедзева // Голас Расоншчыны. – 2004. – 14 студз. – С. 3.

15. Островская, Н. С. Педагог, у которого хочется учиться / Н. С. Островская ; беседовала М. Алексеева // Голас Расоншчыны. – 2018. – 25 жн. – С. 6.

16. Падрэз, Ю. Жыццё, напоўненае творчай працай / Ю. Падрэз // Голас Расоншчыны. – 2005. – 30 жн. – С. 3.

17. Пастернак, Т. Обеды на отлично! / Т. Пастернак // Витебские вести. – 2019. – 19 сент. – С. 1, 22.

18. Пастернак, Т. Полтора века с подрастающим поколением / Т. Пастернак // Витебские вести. – 2019. – 21 дек. – С. 4.

19. Победа юных физиков / подгот. А. Бородулькина // Голас Расоншчыны. – 2016. – 12 сак. – С. 4.

20. Скоп, В. Да вяршынь прафесійнага майстэрства / В. Скоп // Голас Расоншчыны. – 2004. – 12 сак. – С. 2.

21. Скоп, В. У Расонскай СШ у ліцэйскія класы конкурс, а вучоба на вадзіцеля платная / В. Скоп // Голас Расоншчыны. – 2002. – 9 жн. – С. 2.

22. Скоп, В. Школе – 130 год / В. Скоп // Вiцебскі рабочы. – 1999. – 27 лiстап. – С. 2.

23. Старонка газеты прысвечана 130 годдзю Расонскай школы // Голас Расоншчыны. – 1999. – 26 лiстап. – С. 2.

24. Щербакова, Г. Л. Галина Щербакова: «Я всегда спешу к детям» / Г. Л. Щербакова ; беседовала И. Гореликова // Голас Расоншчыны. – 2016. – 20 лют. – С. 8.

СПАСЫЛКІ

  С юбилеем, Россонская школа!