Школа сярэдняя Обальская імя Героя Савецкага Саюза З. М. Партновай, ДУА. Шумілінскі раён, г. п. Обаль
- Подробности
- Створана 22.06.2020 08:40
- Адноўлена 22.06.2020 09:43
| Сучасная назва | ДУА «Обальская сярэдняя школа імя Героя Савецкага Саюза З. М. Партновай Шумілінскага раёна» |
| Тып | дзяржаўная ўстанова адукацыі |
| Дата заснавання | 1893 |
| Месца знаходжання | Віцебская вобласць, Шумілінскі раён, г. п. Обаль |
| Сайт | https://obol.schools.by |
У 1893 годзе была адкрыта царкоўна-прыходская школа.
У 1901–1902 гг. пачалося будаўніцтва новага будынка царкоўна-прыходскай школы, у кастрычніку 1902 года ў школе пачаліся заняткі.
У 1909 годзе адкрыта ўзорнае двухкласнае вучылішча з 5-гадовым тэрмінам навучання.
21 студзеня 1918 года вучылішча пераўтворана ў агульнаадукацыйную свецкую школу.
У жніўні 1924 года ў былым маёнтку фон Амбургера на ст. Обаль была адкрыта школа сялянскай моладзі з сельскагаспадарчым ухілам.
У 1935 годзе школа пераўтворана ў сярэднюю.
8 студзеня 1942 года арганізавана падпольная камсамольская арганізацыя «Юныя мсціўцы», 38 членаў якой былі вучнямі і выпускнікамі Обальскай сярэдняй школы. Сярод выпускнікоў школы – пачынальнік айчыннай эпізааталогіі, доктар ветэрынарных навук С. Н. Вышалескі, Героі Савецкага Саюза Л. М. Даватар, І. К. Спірыдзенка і іншыя.
1 верасня 1944 года ў школе адноўлены заняткі.
21 верасня 1964 года Пастановай Савета Міністраў БССР № 429 Обальскай сярэдняй школе прысвоена імя Героя Савецкага Саюза З. М. Партновай.
У 1965 годзе быў адкрыты школьны музей.
4 кастрычніка 1974 года – школа-мемарыял (у цяперашнім будынку школы).
У 1988 годзе школа стала ініцыятарам стварэння ў СССР руху «Педагогі за мір і ўзаемаразуменне». У 1992 годзе рух атрымаў статус міжнароднага.
Сёння вучні Обальскай сярэдняй школы маюць магчымасць удзельнічаць у самых розных адукацыйных праектах. Обальскую школу наведваюць амаль 255 вучняў. Школа працуе па мадэлі адаптыўнай школы, педагагічная сістэма якой дазваляе ўдзяліць увагу кожнаму навучэнцу, незалежна ад яго індывідуальных асаблівасцей і прыхільнасцей.
У 2014–2016 гг. у Обальскай сярэдняй школе быў рэалізаваны рэспубліканскі праект «Фарміраванне аптымістычнага тыпу светаўспрымання ў дзяцей на праваслаўных традыцыях беларускага народа».
У 2016–2019 гг. рэалізуецца праект «Укараненне мадэлі фарміравання асабістай і сацыяльнай ідэнтычнасці дзяцей дашкольнага і школьнага ўзросту на праваслаўных традыцыях і каштоўнасцях беларускага народа».
Кожны год навучэнцы школы з высокімі вынікамі ўдзельнічаюць у раённых, абласных, рэспубліканскіх канферэнцыях, алімпіядах, конкурсах, спартыўных спаборніцтвах.
Адрас: Віцебская вобласць, Шумілінскі раён, г. п. Обаль, вуліца Камсамольская, 1.
     
|
ЛІТАРАТУРА
1. А ў бібліятэцы можна яшчэ і пераначаваць / падрыхт. Н. Чарнічэнка // Герой працы (Шумiлiна). – 2017. – 15 снеж. – С. 7.
2. Пригожий, М. ... А учитель начинается с улыбки / М. Пригожий // Вiцебскі рабочы. – 2002. – 2 лістап. – С. 2.
3. Растоўская, Т. Заўжды маладыя душой / Т. Растоўская // Герой працы(Шуміліна). – 2002. – 22 кастр. – С. 1.
4. Растоўская, Т. Лёс неразлучны са школай / Т. Растоўская // Герой працы(Шуміліна). – 2002. – 9 ліп. – С. 3.
5. Фондаренко, Н. В школу – с удовольствием / Н. Фондаренко // Витебские вести. – 2015. – 7 февр. – С. 12.
6. Чарнічэнка, Н. У Обальскай школе адкрыта бібіліятэка будучага / Н. Чарнічэнка // Герой працы (Шумiлiна). – 2013. – 17 снеж. – С. 4.
7. Чарнічэнка, Н. У рэжыме капітальнага рамонту / Н. Чарнічэнка // Герой працы (Шумiлiна). – 2018. – 30 сак. – С. 2.
СПАСЫЛКІ
