Школа сярэдняя Езярышчанская, ДУА. Гарадоцкі раён, г. п. Езярышча
- Подробности
- Створана 01.07.2020 08:40
- Адноўлена 01.07.2020 10:31
| Сучасная назва | ДУА «Езярышчанская сярэдняя школа» |
| Тып | дзяржаўная ўстанова адукацыі |
| Дата заснавання | 1886 |
| Месца знаходжання | Віцебская вобласць, Гарадоцкі раён, г. п. Езярышча |
| Сайт | http://ez.gorodok.edu.by/ |
Езярышчанская сярэдняя школа была адчынена ў 1886 годзе. Першым настаўнікам быў Нічыпар Котаў, потым Фядос Скуратаў. Вучняў было 70–80 чалавек. Кожны дзень было па 7 урокаў.
З 1920 года дырэктарам стаў Міхаіл Пахомавіч Грыгор'еў. У 1926 годзе дырэктарам быў прызначаны Мазуркевіч Міхаіл Міхайлавіч. Школа стала сямігадовай (да 1933 г.). З 1935 года школа – сярэдняя. У гады Вялікай Айчыннай вайны ў будынку школы знаходзіўся лагер для ваеннапалонных. Пасля вайны школа адразу аднавіла сваю дзейнасць.
ДУА «Езярышчанская сярэдняя школа» сёння – гэта сучасны будынак, які ўведзены ў эксплуатацыю ў 1961 годзе і разлічаны на 540 месцаў. Плошча – 2860 м2.
Навучанне арганізавана ў 16 вучэбных кабінетах. У 2015 годзе набыта новае сучаснае абсталяванне ў кабінет фізікі. Маецца сталовая на 80 пасадачных месцаў, бібліятэка, вучэбна-вопытны ўчастак, музей. Для арганізацыі навучальна-выхаваўчага працэсу ва ўстанове адукацыі маюцца: камп'ютары, сканеры, ксеракс, мадэмы, мультымедыйная ўстаноўка, інтэрактыўная дошка і інш.
Фонд школьнай бібліятэкі налічвае 111710 асобнікаў мастацкай літаратуры і 5602 экземпляры падручнікаў і вучэбных дапаможнікаў.
Вучэбна-вопытны ўчастак уключае наступныя аддзелы: агародніна, кветкава-дэкаратыўныя культуры, калекцыйны аддзел.
Забяспечанасць фізкультурным інвентаром і абсталяваннем складае 90 %.
Адукацыйны працэс у навучальнай установе ажыццяўляюць 23 педагагічныя работнікі. Па выніках атэстацыі 6 педагагічных работнікаў маюць вышэйшую кваліфікацыйную катэгорыю, 14 –першую кваліфікацыйную катэгорыю.
Адрас: Віцебская вобласць, Гарадоцкі раён, г. п. Езярышча, вуліца Анціпава, д. 38.
 
|
ЛІТАРАТУРА
1. Ляшук, С. Чтобы учеба была в удовольствие / С. Ляшук // Народнае слова. – 2013. – 21 сак. – С. 1.
2. Наумова, А. Время добрых поступков, открытых сердец / А. Наумова // Гарадоцкі веснік. – 2016. – 31 снеж.– С. 1, 4.
СПАСЫЛКІ
