Помнікі на магілах ахвяр фашызму. Шумілінскі раён

Подробности

Створана 25.06.2020 15:23

Адноўлена 25.06.2020 12:30

 Магіла ахвяр фашызму за 0,3 км ад в. Андрэева

Знаходзіцца за 0,3 км на захад ад вёскі. Пахаваны 5 мірных жыхароў, якіх загубілі нямецка-фашысцкія захопнікі ў гады Вялікай Айчыннай вайны. У 1967 годзе на магіле ўсталявалі мемарыяльны знак.

 Магіла ахвяр фашызму ля г. п. Обаль

Знаходзіцца на могілках. Пахаваны 6 мірных жыхароў, якіх 2 чэрвеня 1942 года расстралялі нямецка-фашысцкія захопнікі. У 1967 годзе на магіле пастаўлены абеліск.

 Магіла ахвяр фашызму ў в. Пабеда

Знаходзіцца на паўночнай ускраіне вёскі. Пахаваны 18 жыхароў в. Лоўжа, якіх 15 лістапада 1943 года расстралялі нямецка-фашысцкія карнікі. У 1966 годзе на магіле пастаўлены абеліск.

 Магіла ахвяр фашызму (помнік загінуўшым яўрэям) у в. Сіроціна

Знаходзіцца на ўскраіне в. Сіроціна. Пахаваны 316 мірных жыхароў яўрэйскай нацыянальнасці, якіх забілі нямецка-фашысцкія акупанты. У 1986 годзе на магіле пастаўлены абеліск.

 Магіла ахвяр фашызму (помнік загінуўшым яўрэям) у г. п. Шуміліна

 Магіла ахвяр фашызму (помнік загінуўшым яўрэям) ля г. п. Шуміліна

Знаходзіцца за 500 м ад скрыжавання дарог Шуміліна – Бешанковічы і Бешанковічы – Полькавічы. Пахаваны 1068 жыхароў яўрэйскай нацыянальнасці, якіх забілі ў 1942 годзе нямецка-фашысцкія акупанты. У 1968 годзе на магіле пастаўлены абеліск.

ЛІТАРАТУРА

1. Шумілінскі раён // Збор помнікаў гісторыі і культуры Беларусі. Віцебская вобласць / рэдкал.: С. В. Марцэлеў [і інш.]. – Мінск : БелСЭ імя П. Броўкі, 1985. – С. 464–475.

2. Шумілінскі раён // Памяць. Беларусь : рэспубліканская кніга / гал. рэд.: Б. І. Сачанка [і інш.]. – Мінск : Беларуская Энцыклапедыя, 1995. – С. 224–228.