Афганистан. Без права на забвение

Афганистан. Без права на забвение

Афганистан. Без права на забвение

Художники Витебщины

Художники Витебщины

Художники Витебщины

Касцёл святога Антонія Падуанскага. Талачынскі раён, г. Талачын

Драўляны касцёл пабудаваны ў Талачыне ў 1604 годзе канцлерам Вялікага княства Літоўскага Львом Сапегам.

У 1769 годзе ў сувязі з заснаваннем базыльянскага манастыра быў узведзены будынак каменнага касцёла ў стылі ракако.

У ходзе рэлігійных войнаў у 1796 годзе касцёл быў ператвораны ва ўніяцкую царкву, а ў 1804 г. – у Пакроўскую.

У лістападзе 1812 года французскія войскі разбурылі старажытны храм.

Толькі ў 1818 годзе побач з ацалелай драўлянай капліцай быў закладзены новы каменны храмавы комплекс.

У архівах захаваліся матэрыялы той эпохі, якія адлюстравалі сумныя вынікі будаўніцтва. З інвентарнага апісання 1841 года: «костёл фигуры четырёхугольной, длиной 9, шириной 6 саженей выведен стенами вышиной только на 1,1–2 сажени, долгое время стоял без крыши, был повреждён и стал неспособен к дальнейшему возведению». Будоўля замерла.

У 1848 годзе стварылі новы камітэт па зборы сродкаў на будаўніцтва касцёла.

Недабудаваны будынак знеслі, стары падмурак разабралі. І ўсяго за шэсць гадоў узвялі новы комплекс. Яго будавалі Фёдар Данілаў, Сцяпан Варфаламееў, Міхаіл Кірнюшын і інш.

Храм пабудаваны ў 1853 годзе на сродкі мясцовых жыхароў, ахвяраванні памешчыкаў Славінскіх і грошы царскай казны.

Манументальнасць храма ўзмацняецца яго размяшчэннем на прыродным узвышэнні.

З'яўляецца помнікам архітэктуры класіцызму з элементамі рэтраготыкі.

Будынак касцёла – гэта прамавугольны ў плане аб'ём пад двухсхільным дахам.

Алтарны фасад вылучаны моцнай паўкруглай апсідай. Бакавыя сцены вырашаны плоскасна, расчлянёны вузкімі стральчатымі вокнамі і пілястрамі ў прасценках, апяразаны прафіляваным карнізам.

Зала храма падзелена на тры нефы, цэнтральны з якіх паглыблены паўкруглай апсідай. Пры ўваходзе вылучаны бакавыя каморы, над якімі галерэя хораў.

У 1908 годзе на ахвяраванні баранэсы Унгерн-Штэрнберг касцёл пакрылі бляхай, падлогу зрабілі тэракотавай. Мастак Гутцайт, на сродкі памешчыцы С. Гадзінскай, распісаў сцены і столі, якія часткова захаваліся да нашага часу.

У 1917 годзе ўлады зачынілі касцёл, прыстасоўваючы яго то пад ткацкі цэх, то пад мэблевы магазін.

У 1993 годзе касцёл перадалі невялікай каталіцкай парафіі.

11 красавіка 1993 года адбылася першая служба, святкавалі Вялікдзень. Служба ішла на польскай мове.

У 1999 годзе прыход прыняў малады ксёндз Кшыштаф Мікалайчык. Пры касцёле адкрылася нядзельная школа. Служба стала праходзіць на беларускай мове ў суправаджэнні створанага царкоўнага хору.

Сёння храмам кіруе ксёндз Станіслаў Вашкевіч.

 

Сучасны будынак касцёла святога Антонія Падуанскага г. Талачын. Фотаздымак з сайта http://www.fotobel.byІнтэр’ер касцёла святога Антонія Падуанскага. Фотаздымак з сайта http://www.fotobel.byСучасны будынак касцёла святога Антонія Падуанскага г. Талачын. Фотаздымак з сайта http://www.fotobel.byКасцёл святога Антонія Падуанскага. Фотаздымак з сайта http://www.fotobel.byСучасны будынак касцёла святога Антонія Падуанскага г. Талачын. Фотаздымак з сайта http://www.fotobel.byСучасны будынак касцёла святога Антонія Падуанскага г. Талачын. Фотаздымак з сайта http://www.fotobel.byСучасны будынак касцёла святога Антонія Падуанскага г. Талачын. Фотаздымак з сайта https://planetabelarus.by

ЛІТАРАТУРА

1. Касцёл святога Антонія / падрыхт.: В. Бірукоў, І. Пікулік // Наша Талачыншчына. – 2009. – 19 верас. – С. 3.

2. Касцёл святога Антонія Падуанскага (Талачын) // Каталіцкія храмы Беларусі / А. М. Кулагін ; фат. А. Л. Дыбоўскі. – Мінск : БелЭн імя П. Броўкі, 2008. – С. 352.

3. Костёл святого Антония // Синеокая Толочинщина: история, экономика, культура, памятные места / А. А. Шнейдер ; фото: С. А. Абрамович [и др.]. – Минск : Бизнесофсет, 2009. – С. 29–31.

4. Толочинский Антониевский костёл // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 2. – С. 514–515.

5. Хмелюк, М. Отныне и во веки веков... / М. Хмелюк, М. Королев // Наша Талачыншчына. – 2007. – 22 снеж. – С. 3.

6. Шнэйдар, А. Подых стагоддзяў / А. Шнэйдар // Сцяг Iльiча (Талачын). – 1998. – 16 мая. – С. 2.