Афганистан. Без права на забвение

Афганистан. Без права на забвение

Афганистан. Без права на забвение

Художники Витебщины

Художники Витебщины

Художники Витебщины

Царква іконы Божай Маці «Усіх Смуткуючых Радасць». Шаркаўшчынскі раён, г. п. Шаркаўшчына

Подробности
Створана 09.03.2020 15:23
Адноўлена 09.03.2020 10:20

Царква іконы Божай Маці «Усіх Смуткуючых Радасць» у г. п. Шаркаўшчына размешчана ў цэнтры пасёлка. Пабудавана ў 1897 годзе з цэглы на месцы драўлянага храма 1841 года. У гады Вялікай Айчыннай вайны паўзруйнавана. У 1970-я гг. у ёй быў размешчаны Дом культуры. Першапачатковы выгляд храма вядомы па фотаздымку Я. Балзункевіча 1910–1914 гг. Дзейнічае.

Помнік архітэктуры рэтраспектыўна-рускага стылю, 4-часткавую аб'ёмна-прасторавую кампазіцыю фарміруюць 2-ярусная (васьмярык на чацверыку) шатровая званіца з макаўкай, кароткая трапезная, кубападобны аб'ём малітоўнай залы, паўкруглая апсіда. 4-схільны дах асноўнага аб'ёму завершаны цыбулепадобным купалком на 8-гранным барабане. У архітэктурна-дэкаратыўным афармленні помніка выкарыстаны матывы старажытнарускага дойлідства: кілепадобныя броўкі над арачнымі аконнымі праёмамі, аркатура, руставаныя вуглавыя лапаткі. Уваход вылучаны арачным парталам.

 

Царква іконы Божай Маці «Усіх Смуткуючых Радасць» у г. п. Шаркаўшчына. Фотаздымак з сайта https://vedaj.by

ЛІТАРАТУРА

1. Лабачэўская, Л. Пад белымi крыламi храма / Л. Лабачэўская // Клiч Радзiмы (Шаркаўшчына). – 2000. – 9 лiстап. – С. 3.

2. Рыбакова, Т. Тут кожнага пачуе Бог / Т. Рыбакова // Кліч Радзімы (Шаркаўшчына). – 2008. – 19 лістап. – С. 2.

3. Царква Усіх Смуткуючых Радасць // Памяць: Шаркаўшчынскі раён : гісторыка-дакументальныя хронікі гарадоў і раёнаў Беларусі / рэдкал.: Л. М. Драбовіч [і інш.] ; уклад. Л. М. Лабачэўская ; мастак Э. Э. Жакевіч. – Мінск : Белта, 2004. – С. 445.

4. Царква Усіх Смуткуючых Радасць // Праваслаўныя храмы на Беларусі : энцыклапедычны даведнік / А. М. Кулагін ; маст. І. І. Бокі. – Мінск : БелЭн, 2001. – С. 209.

5. Церковь иконы Божией Матери «Всех скорбящих радость» // Духовные святыни Витебщины = Geistliche heiligtuemer des Gebiest Witebsk / текст: Н. И. Степаненко, В. Г. Синковец. – Витебск, 2007. – С. 34.

6. Шарковщинская церковь Всех Скорбящих Радость // Туристские регионы Беларуси / под общ. ред. И. И. Пирожника. – Минск : БелЭн імя П. Броўкі, 2008. – С. 201.