Аршанская фабрыка мастацкіх вырабаў, РУП. Аршанскі раён

Подробности

Створана 17.05.2017 12:23

Адноўлена 28.02.2019 08:33

Аршанская фабрыка мастацкіх вырабаў заснавана ў 1935 годзе ў г. Оршы як швейная арцель, з 1937 года арцель «20 год Кастрычніку». У 1938 годзе абсталявана вытворчае памяшканне, у 1960 – плошчы прадпрыемства пашыраны. У 1971 годзе пабудаваны новы будынак. У 1998 годзе фабрыка правяла тэхнічнае перааснашчэнне вытворчасці. З 2000 года РУП з сучаснай назвай.

Аршанская фабрыка мастацкіх вырабаў у розныя гады займалася выпускам блуз, бялізны, ручным ткацтвам, вырабам абрусаў і інш. З 1993 года фабрыка знаходзіцца ў складзе дзяржаўнага канцэрна «Белмастпромыслы».

У 2008–2009 гг. на прадпрыемстве зроблена перааснашчэнне вытворчых участкаў – участка вышыўкі і пашыву. У 2012 годзе набыта абсталяванне для вытворчасці карункаў. Абноўленае абсталяванне павысіла ўзровень якасці выпускаемай прадукцыі, прыцягнула замежных заказчыкаў.

У рэзідэнцыі Прэзідэнта Рэспублікі Беларусь карыстаюцца сталовымі абрусамі, якія вышыты золатам на блакітным і бардовым льне. Яны выраблены аршанскімі майстрамі. У Нацыянальнай бібліятэцы Рэспублікі Беларусь знаходзіцца васьміметровы абрус, шасціметровая дарожка і сурвэткі, якія выкананы на гэтай фабрыцы. Гэтыя вырабы захапляюць сваёй прыгажосцю, непаўторнасцю малюнка і колераў жыхароў і гасцей сталіцы.

На экспарт прадукцыя ідзе ў Расію, Латвію, Літву, Канаду, ЗША, Нідэрланды, Аўстралію, Велікабрытанію.

На сённяшні дзень фабрыка вырабляе найшырэйшы спектр сталовай і пасцельнай бялізны з мастацкай вышыўкай. Сярод іх: камплекты чайныя, камплекты сталовыя, абрусы, дарожкі, сурвэткі, ручнікі, камплекты пасцельнай бялізны (еўра, 1,5-спальныя, 2-спальныя), вырабы ручнога ткацтва – камплекты чайныя тканыя, абрусы, сурвэткі, ручнікі.

Вырабляецца машынная і ручная мярэжка, рышэлье, аплікацыя. З льняной пражы на ручных ткацкіх станках (кроснах) вырабляюцца ручнікі, абрусы, парцьеры. Фабрыка таксама спецыялізуецца на вытворчасці швейных вырабаў – паліто жаночыя, курткі мужчынскія і жаночыя, спецадзенне.

Фабрыка мае фірменны магазін.

У 2017 годзе аршанскія мастакі пачалі ажыцяўляць новыя задумкі. Распрацоўваецца шэраг новых малюнкаў для камплектаў сталовай і пасцельнай бялізны. У цяперашні час на прадпрыемстве праводзіцца эксперымент па пашыве эксклюзіўных жаночых сукенак. Паглядзець вырабы можна на складзе-краме.

Адрас: Віцебская вобласць, Аршанскі раён, горад Орша, вуліца Свярдлова, 14.

ЛІТАРАТУРА

1. Афанасьева, Л. Если есть команда – будет и удача / Л. Афанасьева // Аршанская газета. – 2008. – 30 снеж. – С. 5–6.

2. Афанасьева, Л. Нашы шыванкі пераляцелі акіян / Л. Афанасьева // Аршанская газета. – 2004. – 12 чэрв. – С. 2.

3. Бражыцкі, Я. Ганаровы заказ / Я. Бражыцкі // Віцебскі рабочы. – 1979. – 19 ліп. – С. 4.

4. Гатоўская, Л. За падарункамі – на швейную фабрыку / Л. Гатоўская // Аршанская газета. – 2008. – 20 снеж. – С. 1.

5. Кузьміна, С. Кірунак: стандарт ці мастацтва? / С. Кузьміна // Віцебскі рабочы. – 1985. – 25 снеж. – С. 3.

6. Маршаловіч, Л. Абрусы для Пуціна / Л. Маршаловіч // Белорусская нива. – 2005. – 23 авг. – С. 3.

7. Маршалович, Л. Жить и работать с красотой / Л. Маршалович // Аршанская газета. – 2017. – 21 студз. – С. 2.

8. Маршалович, Л. Из оршанского льна / Л. Маршалович // Аршанская газета. – 2010. – 21 студз. – С. 3

9. Маршаловіч, Л. Не камплект, а карціна / Л. Маршаловіч // Віцебскі рабочы. – 2005. – 5 сак. – С. 3.

10. Маршалович, Л. Радуют новинками / Л. Маршалович // Аршанская газета. – 2011. – 14 крас. – С. 2.

11. Маршалович, Л. Творчество плюс производство / Л. Маршалович // Аршанская газета. – 2004. – 24 жн. – С. 2.

12. Никитина, О. Оршанские вышивальщицы – лучшие в республике / О. Никитина // Народнае слова. – 2003. – 6 снеж. – С. 3.

13. Оршанская фабрика художественных изделий // Республика Беларусь : энциклопедия : [в 7 т.] / редкол.: Г. П. Пашков [и др.]. – Минск : БелЭн, 2007. – Т. 5 : Минск–Педиатрия. – С. 612.

14. Паўлаў, Е. І светлую мару – таксама / Е. Паўлаў // Ленінскі прызыў (Орша). – 1981. – 13 сак. – С. 2.

15. Усова, М. И строчка, и стежок – с любовью / М. Усова // Віцебскі рабочы. – 2008. – 24 снеж. – С. 16.

16. Хурсік, В. У Оршы апранаюць Галандыю і святароў, і захоўваюць традыцыі Беларускага ручнога ткацтва / В. Хурсік // Звязда. – 2000. – 5 снеж. – С. 9.

17. Хлыстун, Л. Льняное чудо / Л. Хлыстун // Советская Белоруссия. – 2004. – 28 февр. – С. 8.

18. Цуранкоў, Г. Творчасць і мастацтва побач / Г. Цуранкоў // Аршанская газета. – 2003. – 28 студз. – С. 2.

19. Цыбульская, А. Скатерть для семьи Путиных / А. Цыбульская // Рэспубліка. – 2004. – 17 лют. – С. 4.