Дом рамёстваў, ДУК. Докшыцкі раён, г. Докшыцы

Подробности

Створана 13.08.2019 12:23

Адноўлена 13.08.2019 14:01

На тым месцы, дзе сёння стаіць Дом рамёстваў, была царква Іаана Багаслова. У сярэдзіне 60-х гадоў мінулага стагоддзя яе закрылі і памяшканне спачатку аддалі пад бібліятэку, а потым – пад мастацкія майстэрні. Дом рамёстваў, згодна з рашэннем Докшыцкага райвыканкама, быў адкрыты ў красавіку 1993 года. Спачатку працавалі ў двух напрамках – саломапляценне і мастацкая разьба па дрэве. Адначасова рыхтавалася база і абсталёўвалася майстэрня па кераміцы і ганчарству. На сённяшні час у Доме рамёстваў працуюць пяць гурткоў па наступных напрамках:

– мастацкая разьба па дрэве;

– саломапляценне;

– кераміка і ганчарства;

– лозапляценне;

– вышыўка і ткацтва.

Людзі, якія тут працуюць, ствараюць сапраўдныя цуды і вучаць гэтаму іншых. Аляксандр Вішнеўскі – таленавіты мастак, кераміст, ганчар. Таццяна Марціновіч лічыцца ўнікальным майстрам саломапляцення. Працуе ў розных жанрах і накірунках, пляце фантастычныя папараць-кветкі, шляпы, пано... Выдатная ткачыха і вышывальшчыца Наталля Пятровіч тчэ ручнікі і сурвэткі з арнаментам, які належыць толькі дадзенаму краю. Займаецца таксама рэканструкцыяй і ўпрыгожваннем сукенак і мужчынскіх кашуль. Цудоўным майстрам па лозапляценні з'яўляецца Таццяна Гаварцова, якая неаднойчы выходзіла пераможцай ў розных конкурсах. Майстр саломапляцення Іна Карпека закончыла Мірскае рэстаўрацыйна-мастацкае вучылішча, прымала ўдзел у рэстаўрацыі Мірскага замка. На конкурсе «Папараць-кветка» выйшла ў пераможцы.

Метадысты-майстры маюць сваіх вучняў, даюць майстар-класы, шмат робяць для таго, каб старадаўняя народная творчасць не знікла з поля зроку, не перарвалася сувязь часоў, сувязь з продкамі.

Адрас: Віцебская вобласць, Докшыцкі раён, г. Докшыцы, вул. Горкага, 15.

ЛІТАРАТУРА

1. Бельскі, Я. Дом натхнення / Я. Бельскі // Культура. – 2003. – 19–25 крас. – С. 12.

2. Бяляўская, Н. Вяртанне да вытокаў / Н. Бяляўская // Родныя вытокі (Докшыцы). – 2013. – 6 сак. – С. 3.

3. Гильнич, Л. Творения рук умелых / Л. Гильнич // Віцьбічы = Витьбичи. – 2013. – 2 февр. – С. 8.

4. Гладкова, Д. Рукі майстроў ствараюць вясну / Д. Гладкова // Родныя вытокі (Докшыцы). – 2018. – 14 сак. – С. 7.

5. Докшицкий районный Дом ремёсел // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 1. – С. 375.

6. Каралёва, Н. Працяг традыцый / Н. Каралёва // Родныя вытокі (Докшыцы). – 2009. – 19 верас. – С. 7.

7. Малевіч, Я. Лекар людскіх душ / Я. Малевіч // Родныя вытокі (Докшыцы). – 2015. – 9 снеж. – С. 3.

8. Марціновіч, Т. Справаздачная выстава / Т. Марціновіч // Родныя вытокі (Докшыцы). – 2009. – 7 лют. – С. 6.

9. Пашэвіч, В. «Заміж персідскага ўзору цвяток радзімы васілька» / В. Пашэвіч // Родныя вытокі (Докшыцы). – 2001. – 14 сак. – С. 4.

10. Пашэвіч, В. Не згубіць – захаваць / В. Пашэвіч // Родныя вытокі (Докшыцы). – 2001. – 3 сак. – С. 2.

11. Пашэвіч, В. Фальклор папулярны заўседы / В. Пашэвіч // Родныя вытокi (Докшыцы). – 1997. – 11 кастр. – С. 4

12. Повязь часоў праз ткацтва і вышыўку / падрыхт. Я. Малевіч // Родныя вытокі (Докшыцы). – 2019. – 27 сак. – С. 4.

13. Пустошилова, В. История создания и творческая деятельность Докшицкого районного дома ремесел / В. Пустошилова // Народная культура Віцебшчыны : матэрыялы навукова-практычнай канферэнцыі / рэдкал.: Л. Вакар [і інш.]. – Віцебск, 2007. – С. 130–131.

14. Шыталь, Р. Калядныя ўзоры / Р. Шыталь // Родныя вытокі (Докшыцы). – 2013. – 19 студз. – С. 4.