Бібліятэкі. Віцебскі раён

Подробности

Створана 02.04.2019 08:40

Адноўлена 26.12.2019 13:10

Віцебская раённая цэнтралізаваная бібліятэчная сістэма бярэ сваю гісторыю з сямідзесятых гадоў, калі, згодна рашэнню выканаўчага камітэта ад 11.05.1978 г. № 184 Віцебскага райсавета народных дэпутатаў «Аб цэнтралізацыі сеткі дзяржаўных бібліятэк Віцебскага раёна», дзяржаўныя бібліятэкі раёна былі аб'яднаны ў адзіную сістэму. У цэнтралізаваную бібліятэчную сістэму ўвашлі: цэнтральная раённая бібліятэка, дзіцячая раённая бібліятэка, Суражская і Янавіцкая гарпасялковыя, Суражская дзіцячая і 60 сельскіх бібліятэк-філіялаў. Узначаліла сістэму Піліпенка Святлана Мікалаеўна.

Была праведзена вялікая работа па стварэнню адзінага зводнага каталога, які ўключаў звесткі аб фондах усіх бібліятэк-філіялаў, уваходзячых у цэнтралізаваную бібліятэчную сістэму.

У 1994 годзе Віцебская РЦБС была ўзнагароджана Ганаровай граматай упраўлення культуры за стварэнне эстэтычнага асяроддзя ў бібліятэках і значную работу па адраджэнні нацыянальных абрадаў, мовы і культуры, а ў 1996 г. – Ганаровай граматай упраўлення культуры Віцебскага аблвыканкама за высокія паказчыкі ў рабоце і творчы ўклад у бібліятэчнае абслугоўванне насельніцтва раёна.

У 2000-я гады ў бібліятэках Віцебскай РЦБС працавалі 31 клуб і аматарскія аб'яднанні рознай тэматычнай накіраванасці, 4 літаратурныя гасцёўні. Дзве бібліятэкі сістэмы былі цэнтрамі экалагічнага выхавання: на базе Бабініцкай сельскай бібліятэкі-філіяла працаваў клуб «Расінка» для малодшых школьнікаў, на базе Мазалаўскай сельскай бібліятэкі-філіяла дзейнічаў клуб «Крынічка», які аб'ядноўваў школьнікаў малодшага і сярэдняга ўзросту. Пры цэнтральнай раённай бібліятэцы працаваў краязнаўчы клуб «Спадчына», на пасяджэнні якога запрашаліся цікавыя і знакамітыя асобы.

У 2006 годзе на пасаду дырэктара Віцебскай РЦБС была прызначана Нісневіч Галіна Дзмітрыеўна, спецыяліст з вышэйшай адукацыяй і са шматгадовым вопытам практычнай работы.

Па выніках работы бібліятэчнай сістэмы ў 2015 годзе Г. Д. Нісневіч прысуджана прэмія Віцебскага абласнога выканаўчага камітэта за высокія творчыя дасягненні ў галіне культуры і мастацтва ў намінацыі «Лепшы бібліятэчны работнік».

Бібліятэкі сістэмы актыўна ўдзельнічаюць у абласных і рэспубліканскіх конкурсах. У 2008 годзе Капцянская сельская бібліятэка (аграгарадок Копці) становіцца пераможцай абласнога конкурса «Інавацыі ў рабоце сельскай бібліятэкі» за прадстаўленне электроннай прэзентацыі «Нармандыя – Нёман», а Сасноўская сельская бібліятэка вызначана лепшай у абласным туры рэспубліканскага конкурса «Бібліятэка – асяродак нацыянальнай культуры» у намінацыі «За пошуковую і даследчую працу» за напісанне «Летапісу сяла».У 2010 годзе Бабініцкая сельская бібліятэка (аграгарадок Бабінічы) стала пераможцай у абласным конкурсе «Інавацыі ў рабоце сельскай бібліятэкі» за складанне эколага-краязнаўчага маршруту. У 2012 годзе Даўжанская сельская бібліятэка вызначана пераможцай абласнога і рэспубліканскага тураў у конкурсе «Бібліятэка – асяродак нацыянальнай культуры» у намінацыі «Інавацыі ў галіне бібліятэчнай справы» за стварэнне электроннага краязнаўча-турыстычнага маршруту «Сцежкамі роднага краю». У 2015 годзе на конкурс быў прадстаўлены вопыт работы Вымнянскай сельскай бібліятэкі – агучаны краязнаўчы нарыс «Праз час далёкі летапісны». Па выніках конкурсу бібліятэка ўзнагароджана заахвочвальнай прэміяй. У 2016 годзе Курынская сельская бібліятэка стала пераможцай рэспубліканскага конкурсу ў намінацыі «За пошукавую і даследчую працу». Быў прадстаўлены імідж-праект «Фактары поспеху маёй бібліятэкі» з выкарыстаннем электронных рэсурсаў і папяровых носьбітаў. У 2017 годзе Сасноўская сельская бібліятэка стала пераможцай рэспубліканскага конкурсу (2 месца) у намінацыі «За пошукавую і даследчую працу». У 2018 годзе цэнтральная раённая бібліятэка стала пераможцай рэспубліканскага конкурсу (2 месца) у намінацыі «За інавацыі ў галіне бібліятэчнай справы». Быў прадстаўлены мультымедыйны праект-падарожжа па родным краі «Турыстычнымі маршрутамі Прыдзвіння».

Работнікам бібліятэк сістэмы раёна неаднаразова прысуджаліся прэміі Віцебскага абласнога выканаўчага камітэта за высокія творчыя дасягненні ў галіне культуры і мастацтва: у 2006 г. – Акцябрскай сельскай бібліятэцы, у 2009 г. – Кіраўскай, а ў 2010 г. – Курынскай сельскай бібліятэцы.

У 2010 г. бібліятэчная сістэма раёна за значныя дасягненні ў бібліятэчным абслугоўванні насельніцтва і актыўнае ўкараненне інавацыйных форм работы ўзнагароджана Ганаровай граматай упраўлення культуры Віцебскага абласнога выканаўчага камітэта.

Згодна Рашэння Віцебскага раённага выканаўчага камітэта ад 10.06.2013 г. № 747 створана дзяржаўная ўстанова культуры «Віцебская раённая цэнтралізаваная бібліятэчная сістэма».

Сёння ў склад Віцебскай РЦБС уваходзіць 26 публічных бібліятэк: цэнтральная раённая бібліятэка, 2 гарпасялковыя бібліятэкі (Суражская і Янавіцкая), 23 сельскіх бібліятэк (з іх – 4 бібліятэкі-клубы).

Для абслугоўвання населеных пунктаў, у якіх адсутнічаюць бібліятэкі, выкарыстоўваецца перасовачная бібліятэка – бібліёбус. Выезды здзяйсняюцца па 12 напрамках.

Камп'ютарызаваны ўсе сельскія бібліятэкі. 20 бібліятэк падключаны да сеткі Інтэрнэт і маюць электронную пошту.

У аўтаматызаваным рэжыме працуе цэнтральная раённая бібліятэка, створана краязнаўчая электронная база дадзеных «Прыдзвінскі край. Віцебскі раён». Створаны сайт бібліятэчнай сістэмы, які рэгулярна абнаўляецца.

Склад Віцебскай РЦБС:

 Цэнтральная раённая бібліятэка;

 Суражская гарпасялковая бібліятэка;

 Янавіцкая гарпасялковая бібліятэка;

 Акцябрская сельская бібліятэка;

 Альгоўская сельская бібліятэка;

 Астроўская сельская бібліятэка-клуб;

 Бабініцкая сельская бібліятэка;

 Войтаўская сельская бібліятэка-клуб;

 Варонаўская сельская бібліятэка;

 Вымнянская сельская бібліятэка;

 Даўжанская сельская бібліятэка;

 Замастоцкая сельская бібліятэка;

 Запольская сельская бібліятэка;

 Заронаўская сельская бібліятэка;

 Капцянская сельская бібліятэка;

 Кіраўская сельская бібліятэка;

 Курынская сельская бібліятэка;

 Мазалаўская сельская бібліятэка;

 Ноўкінская сельская бібліятэка;

 Пестуніцкая сельская бібліятэка-клуб;

 Скрыдлёўская сельская бібліятэка-клуб;

 Сасноўская сельская бібліятэка;

 Старасельская сельская бібліятэка;

 Тулаўская сельская бібліятэка;

 Шапечынская сельская бібліятэка;

 Шапуроўская сельская бібліятэка.

ЛІТАРАТУРА

1. Александрова, Т. «SVOя идея» библиотекарей / Т. Александрова // Жыццё Прыдзвіння (Віцебск). – 2016. – 5 лістап. – С. 5.

2. Александрова, Т. В книжной обители / Т. Александрова // Жыццё Прыдзвіння (Віцебск). – 2015. – 15 сент. – С. 1–2.

3. Андреева, В. Сельская библиотека в Белыновичах / В. Андреева // Народнае слова. – 2012. – 7 чэрв. – С. 1.

4. Вебер, О. Тропинками прошлого / О. Вебер // Жыццё Прыдзвіння (Віцебск). – 2014. – 29 ліп. – С. 2.

5. Ворохобко, А. В царстве книг / А. Ворохобко // Жыццё Прыдзвiння (Вiцебск). – 2006. – 13 чэрв. – С. 2.

6. Высоцкая, В. З гонарам за краіну / В. Высоцкая // Жыццё Прыдзвіння (Віцебск). – 2015. – 11 крас. – С. 4.

7. Высоцкая, В. Лоцман кніжнага мора / В. Высоцкая // Жыццё Прыдзвіння (Віцебск). – 2014. – 4 лют. – С. 2.

8. Высоцкая, В. Мабільная чытальня / В. Высоцкая // Жыццё Прыдзвіння (Віцебск). – 2015. – 6 студз. – С. 2.

9. Высоцкая, О. Книжное турне / О. Высоцкая // Жыццё Прыдзвіння (Віцебск). – 2014. – 20 снеж. – С. 4.

10. Ларына, Т. Браму скарбаў сваіх адчыняем / Т. Ларына // Жыццё Прыдзвіння (Віцебск). – 2009. – 27 чэрв. – С. 4.

11. Марецкая, Р. Уютный очаг в Заполье / Р. Марецкая // Жыццё Прыдзвіння (Віцебск). – 2009. – 15 снеж. – С. 2.

12. Романова, Н. «Библиобус» для села / Н. Романова // Жыццё Прыдзвіння (Віцебск). – 2008. – 4 кастр. – С. 3.

13. Русланава, Н. Вёска мая, я – часцінка твая / Н. Русланава // Жыццё Прыдзвіння (Віцебск). – 2008. – 19 крас. – С. 2.

14. Русланова, Н. Юбилей библиотеки / Н. Русланава // Жыццё Прыдзвіння (Віцебск). – 2008. – 18 лістап. – С. 2.