Шо, возера. Глыбоцкі раён

Подробности

Створана 27.11.2017 09:17

Адноўлена 18.01.2018 16:02

Шо – возера ў Глыбоцкім раёне. Плошча 7,65 км². Найбольшая глыбіня 3,1 м. Даўжыня 4,2 км. Найбольшая шырыня 2,1 км. Даўжыня берагавой лініі 12,4 км. Аб’ём вады 14,8 млн. куб. м. Плошча вадазбору 110 км². Знаходзіцца ў басейне ракі Шоша (выцякае з возера), за 32 км на ўсход ад г. Глыбокае, каля в. Надазер’е. Схілы катлавіны вышынёй 2–4 м, пясчаныя, параслі лесам, часткова разараныя, на поўначы і поўдні забалочаныя. Берагі нізкія, пясчана-тарфяністыя, забалочаныя, пад лесам і хмызняком. Дно сапрапелістае, уздоўж берагоў да глыбіні 0,5–1 м пясчанае. Зарастае па ўсёй плошчы. Упадаюць ручаі з азёр Доўгае і Івесь.

ЛІТАРАТУРА

1. Волкаў, І. Возера Шо. Што вы ведаеце пра яго / І. Волкаў // Шлях перамогі (Глыбокае). – 1968. – 15 крас. – С. 3.

2. Корбут, В. Тайны озера Шо / В. Корбут // Советская Белоруссия. – 2003. – 28 янв. – С. 9.

3. Скрабатун, У. Па-шведску – Шо, а па–беларуску – Возера / У. Скрабатун // Вольнае Глыбокае. – 2009. – 24 снеж. – С. 4.

4. Чумаков, Л. Хорошо на озере Шо / Л. Чумаков // Родная прырода. – 2007. – № 6. – С. 24–25.

5. Шо // Блакітны скарб Беларусі : энцыклапедыя / рэдкал.: Г. П. Пашкоў [і інш.] ; маст.: Ю. А. Тарэеў, У. І. Цярэнцьеў. – Мінск : БелЭн, 2007. – С. 465–466.