Рычы, возера. Браслаўскі раён

Подробности

Створана 18.10.2018 11:56

Адноўлена 29.11.2018 09:55

Возера Рычы (Рыча, Рычу) знаходзіцца ў басейне р. Дрысвята, за 20 км на паўночны захад ад г. Браслаў. Плошча 12,83 км². Найбольшая глыбіня 51,9 м. Даўжыня 6,27 км. Найбольшая шырыня 3,73 км. Даўжыня берагавой лініі 33,4 км. Аб’ём вады 131 млн. м³. Плошча вадазбору 123 км². Другое па глыбіні возера на Беларусі. 3 1979 г. возера і прылеглая да яго зона абвешчаны азёрным заказнікам. Схілы катлавіны вышынёй 10–20 м, параслі хмызняком і лесам. Берагі высокія, пясчаныя, участкамі нізкія, на ўсходзе зліваюцца са схіламі. Глыбакаводныя ўпадзіны чаргуюцца з мелямі. У залівах дно адносна плоскае, глыбіні 10–15 м, 5 астравоў агульнай пл. 5,7 га. Мелкаводдзе пясчанае і пясчана-галечнае, на ўсходзе пад валунамі. Пяскі і апясчаненыя адклады пашыраны да глыбіні 10–12 м, у залівах да 2–5 м. Астатняя частка ложа сапрапелістая, месцамі ілістая. Найбольш зарастаюць залівы, пераважна падводнай расліннасцю. Да глыбіні 9 м растуць імхі. Упадаюць некалькі ручаёў, у т. л. з азёр Кракіна, Угарынка, Чарнова, Сіла, выцякае р. Рычанка. У возеры жывуць рэлікты ледавіковага перыяду (лімнакалянус, понтапарэя, бакаплаў Паласа), занесеныя ў рэспубліканскую Чырвоную кнігу.

ЛІТАРАТУРА

1. Рачэўскі, А. М. Рычы/ А. М. Рачэўскі // Энцыклапедыя прыроды Беларусі : у 5 т. / рэдкал.: І. П. Шамякін [і інш.]. – Мінск : БелСЭ імя П. Броўкі, 1985. – Т. 4 : Недалька–Стаўраліт. – С. 399–400.

2. Ричи // Природа Белоруссии : популярная энциклопедия / редкол.: И. П. Шамякин [и др.]. – 2-е изд. – Минск : БелСЭ им. П. Бровки, 1989. – С. 216.

3. Ричи // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2011. – Т. 2 : Витебская область : в 2 кн. – Кн. 2. – С. 408.

4. Ричи //Республика Беларусь : энциклопедия : [в 7т.]/ редкол.:Г. П. Пашков [и др.]. – Минск : БелЭн імя П. Броўкі, 2008. – Т. 6 : Пейзаж–Снегирёв. – С. 470.

5. Ричи // Туристская энциклопедия Беларуси / редкол.: Г. П. Пашков [и др.] ; под общ. ред. И. И. Пирожника ; сост.: Л. В. Ловчая, Т. И. Жуковская. – Минск : БелЭн, 2007. – С. 489.

6. Ричи // Туристские регионы Беларуси / редкол.: Г. П. Пашков [и др.] ; под общ. ред. И. И. Пирожника ; сост. Л. В. Ловчая. – Минск : БелЭн імя П. Броўкі, 2008. – С. 183.

7. Рычы // Блакітная кніга Беларусі (водныя аб’екты Беларусі) : энцыклапедыя / рэдкал.: Н. А. Дзісько [і інш.] ; мастак В. Г. Загародні. – Мінск : БелЭн імя П. Броўкі, 1994. – С.315–316.

8. Рычы // Блакітны скарб Беларусі : энцыклапедыя / рэдкал.: Г. П. Пашкоў [і інш.] ; маст.: Ю. А. Тарэеў, У. І. Цярэнцьеў. – Мінск : БелЭн, 2007. – С. 359.

9. Рычы // Геаграфія Беларусі : энцыклапедычны даведнік / рэдкал.: Л. В. Казлоўская [і інш.]. – Мінск : БелЭн, 1992. – С. 139–140. – (Энцыклапедычная бібліятэка школьніка).