Азёры. Лёзненскі раён

Подробности

Створана 05.12.2019 07:26

Адноўлена 12.12.2019 08:49

У межах раёна існуе: Дабрамысленскае вадасховішча, 14 невялікіх азёр, 13 прудоў і 5 буйных азёр: Буёўскае, Грабеніцкае, Зелянское, Сітненскае, Шэлахава.

Буёўскае – у басейне ракі Лучоса. Плошча 0,72 км². Найбольшая глыбіня 13 м. Даўжыня 2,65 км. Найбольшая шырыня 0,38 км. Даўжыня берагавой лініі 5,84 км. Плошча вадазбору 9,4 км². Знаходзіцца за 2 км на паўднёвы захад ад г. п. Лёзна, каля в. Зубкі. Схілы катлавіны вышынёй да 3 м, паўночныя да 10 м.

Грабеніцкае (Міхалінава) – у басейне ракі Мошна. Плошча 0,31 км^2. Найбольшая глыбіня 8,9 м. Даўжыня 1,06 км. Найбольшая шырыня 0,4 км. Даўжыня берагавой лініі 2,74 км. Плошча вадазбору 3,75 км². Знаходзіцца за 7 км на поўнач ад г. п. Лёзна, каля в. Грабенікі. Схілы катлавіны вышынёй да 15 м, параслі хмызняком. Берагі высокія, месцамі зліваюцца са схіламі.

Зелянское (Бабінавіцкае) – у басейне ракі Лучоса. Плошча 1,23 км². Найбольшая глыбіня 3 м. Даўжыня 1,86 км. Найбольшая шырыня 0,91 км. Даўжыня берагавой лініі 4,61 км. Плошча вадазбору 346 км². Знаходзіцца за 25 км на паўднёвы захад ад г. п. Лёзна, каля аг. Бабінавічы. Схілы катлавіны вышынёй 10–15 м, разараныя, участкамі пад лесам і хмызняком. Берагі высокія, часткова супадаюць са схіламі. У возера ўпадаюць р. Вярхіта і 2 ракі з аднолькавай назвай – Узменка.

Сітненскае (Сітняцкае возера, Сітна) – у басейне ракі Вярхіта. Плошча 0,47 км². Найбольшая глыбіня 2,7 м. Даўжыня 1,88 км. Найбольшая шырыня 0,35 км. Даўжыня берагавой лініі 3,43 км. Плошча вадазбору 9,77 км². Знаходзіцца за 24 км на паўднёвы захад ад г. п. Лёзна, каля в. Сітна. Схілы катлавіны вышынёй каля 10–14 м, параслі хмызняком, на поўначы – лесам. Берагі пераважна зліваюцца са схіламі.

ЛІТАРАТУРА

1. Блакітны скарб Беларусі : энцыклапедыя / рэдкал.: Г. П. Пашкоў [і інш.] ; маст.: Ю. А. Тарэеў, У. І. Цярэнцьеў. – Мінск : БелЭн, 2007. – 480 с. : іл.

2. Дервоед, И. А. Лиозненский район / И. А. Дервоед // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2011. – Т. 2 : Витебская область : в 2 кн. – Кн. 2. – С. 64–67.

3. Долженкова, Г. Край голубых озер / Г. Долженкова // Сцяг Перамогі (Лёзна). – 2004. – 29 мая. – С. 2.

4. Зеленское // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 1. – С. 455.

5. Природа Беларуси : энциклопедия : в 3 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Климат и вода. – 504 с. : ил.