Дрысвяцкая бібліятэка, в. Дрысвяты. Браслаўскі раён

Подробности

Створана 15.11.2018 08:40

Адноўлена 17.01.2019 11:36

У 1940 годзе ў в. Дрысвяты Браслаўскага раёна ў маленькім пакоі пры клубе была адкрыта хата-чытальня. Тады ў ёй налічвалася каля 300 кніг.

З моманту свайго заснавання бібліятэка стала цэнтрам культурнага жыцця ў вёсцы.

Некалькі гадоў назад бібліятэка пераехала з асобнага будынка, які прыйшоў у аварыйны стан, у будынак дзіцячага сада-школы, і аб'ядналася са школьнай бібліятэкай. У кнігасховішчы бібліятэкі – 5 тыс. найменняў.

Прыярытэтнымі накірункамі ў дзейнасці бібліятэкі з'яўляецца краязнаўчая дзейнасць і папулярызацыя беларускай літаратуры, у тым ліку сучасных аўтараў.

Сярод рэгулярных мерапрыемстваў у бібліятэцы можна адзначыць «Тыдзень дзіцячай кнігі і музыкі», акцыя «Браслаўскія аграгарадкі чытаюць паэтычныя радкі» і г. д.

Шмат мерапрыемстваў праводзіцца сумесна са школай.

Пры бібліятэцы дзейнічае клуб «Любазнайкі», які кожную трэццюю пятніцу збірае дзяцей на тэматычныя мерапрыемствы.

Адрас: Віцебская вобласць, Браслаўскі раён, в. Дрысвяты.

ЛІТАРАТУРА

1. Іванова, Т. Цэнтр культурнага жыцця / Т. Іванова // Браслаўская звязда. – 2000. – 27 снеж. – С. 3.

2. Клімаў, А. Дзіўныя і загадкавыя Дрысвяты / А. Клімаў // Культура. – 2018. – 14 крас. – С. 10–11.

3. Пятушка, Т. Майстар на ўсе рукі / Т. Пятушка // Браслаўская звязда. – 2013. – 9 лют. – С. 3.