Дом культуры гарадскі, ДУК. Лепельскі раён, г. Лепель
- Подробности
- Створана 13.05.2019 12:23
- Адноўлена 14.05.2019 09:45
| Сучасная назва | Лепельскі гарадскі Дом культуры |
| Тып | дзяржаўная ўстанова культуры |
| Месца знаходжання | Віцебская вобласць, Лепельскі раён, г. Лепель |
Заснаваны ў 1959 годзе ў Лепелі як раённы Дом культуры.
3 2013 года носіць сучасную назву.
Агульная плошча памяшканняў 1387 м2, мае глядзельную залу з балконам на 400 месцаў, малую тэатральную залу на 51 месца.
Дзейнічаюць 22 клубныя фарміраванні (у тым ліку 10 дзіцячых), з іх сем аматарскіх калектываў са званнем «народны» (ансамбль жартоўнай песні «Грымзолі», студыя эстраднай песні «Святлана», тэатр мініяцюр «Балаган», тэатр «Пошук», літаратурна-музычны клуб «Выток», клуб «Ветэран», фальклорны клуб «Кругаверць»), тры за званнем «узорны» (тэатр танца «Капрыз», ансамбль бальнага і сучаснага танца «Лілея», студыя выяўленчага і дэкаратыўна-прыкладнога мастацтва).
Калектывы Дома культуры – удзельнікі (штогод) і лаўрэаты фестываляў: міжнароднага мастацтваў «Славянскі базар у Віцебску», свята традыцыйнай культуры «Браслаўскія зарніцы», рэспубліканскага турніру салістаў-выканаўцаў народных музычных твораў «Берагіня» (Лепель, 2010), абласнога конкурсу армейскай песні «Зорка», свята-конкурсу выканаўцаў беларускай песні «На зямлі Святой Сафіі» (Полацк), свята народнага гумару «Смяяцца не грэх», народнай творчасці ветэранскіх калектываў «Не старэюць душой ветэраны» і іншых.
Адрас: Віцебская вобласць, Лепельскі раён, г. Лепель, пл. Свабоды, 3.
ЛІТАРАТУРА
1. Кипоренко, Л. Н. Лепельский районный Дом культуры / Л. Н. Кипоренко // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 2. – С. 50–51.
2. Марціновіч, А. Крылы для творчасці / А. Марціновіч // Лепельскі край. – 2018. – 21 жн. – С. 8.
3. Пятрышчава, Н. П. Лепельскі гарадскі Дом культуры / Н. П. Пятрышчава // Культура Беларусі : энцыклапедыя : [у 6 т.] / рэдкал.: В. В. Калістратава [і інш.]. – Мінск : БелЭн імя П. Броўкі, 2014. – Т. 5 : Л–М. – С. 58.
4. Харкевіч, Т. К. Раённы Дом культуры / Т. К. Харкевіч // Памяць: Лепельскі раён : гісторыка-дакументальныя хронікі гарадоў і раёнаў Беларусі / рэдкал.: В. Я. Ланікіна [і інш.] ; уклад.: В. Я. Ланікіна, А. У. Стэльмах ; мастак Э. Э. Жакевіч. – Мінск : Беларусь, 1999. – С. 588–589.
