Ансамбль народны цымбалістаў «Гарэзлівыя перазвоны». Віцебск, г.
- Подробности
- Створана 04.04.2023 09:34
- Адноўлена 04.04.2023 09:34
Ансамбль цымбалістаў «Гарэзлівыя перазвоны» створаны ў 1998 годзе ў Віцебску пры гарадскім Цэнтры культуры (з 2007 года – Цэнтр культуры «Віцебск»). У 2000 годзе прысвоена званне «народны аматарскі калектыў».
Асноўныя мэты дзейнасці – прапаганда і папулярызацыя беларускай музыкі і народных інструментаў сярод падлеткаў і моладзі.
У рэпертуары творы кампазітараў-класікаў («Вальс-жарт» Дз. Шастаковіча, «Менуэт» Л. Бакерыні, «Музычны момант» Ф. Шуберта, «Канцэрт a-moll» 1-я ч. А. Вівальдзі, «Гавот» К. Глюка), беларускіх («Бярозка» І. Лучанка, «Дзве ўкраінскія песні» І. Жыновіча, «Груздоўская вясельная» Я. Нікіціна), рускіх («Пасадобль» А. Лепіна), румынскіх («Жаваранак» Г. Дыніку), бразільскіх «Бразільскі карнавал» С. Абрэу), беларускія і расійскія песні ў апрацоўцы.
Народны ансамбль цымбалістаў актыўна ўдзельнічае ва ўсіх канцэртных і творчых мерапрыемствах Цэнтра культуры «Віцебск», горада і вобласці, міжнародных фестывалях і конкурсах у Беларусі, Расіі, Германіі, сярод якіх Міжнародны фестываль мастацтваў «Славянскі базар у Віцебску», фэст вулічнага мастацтва «На сямі вятрах» (Віцебск), Міжнародны фестываль народнай музыкі «Звіняць цымбалы і гармонік» (Паставы), Міжнародны фестываль-конкурс выканаўцаў на шматструнных народных інструментах «Балтыя» (Расія), Міжнародны маладзёжны музычны фестываль (Германія).
Кіраўнік калектыву – Аліна Быкава.
|
ЛІТАРАТУРА
1. Шэвякова-Багарад, І. В. Віцебскі народны ансамбль цымбалістаў «Гарэзлівыя перазвоны» / І. В. Шэвякова-Багарад // Культура Беларусі : энцыклапедыя : [у 6 т.] / рэдкал.: Т. У. Бялова [і інш.]. – Мінск : БелЭн імя П. Броўкі, 2011. – Т. 2 : Б–Г. – С. 340–341.
СПАСЫЛКІ
