Ансамбль узорны бальнага танца «Мазаіка». Віцебск, г.
- Подробности
- Створана 04.04.2023 12:24
- Адноўлена 04.04.2023 12:24
Ансамбль бальнага танца «Мазаіка» створаны ў 1983 годзе ў Віцебску пры Палацы культуры ўпраўлення бытавога абслугоўвання насельніцтва, з 2007 года дзейнічае пры Цэнтры культуры «Віцебск». У 1990 годзе прысвоена званне «ўзорны аматарскі калектыў».
Асноўныя мэты дзейнасці – прапаганда і папулярызацыя бальнага танца.
У рэпертуары бальныя танцы еўрапейскай і лацінаамерыканскай праграмы, танцы розных краін свету, сюжэтныя («Полька-кантры», «Беларуская полька», «Лімба», «Мамба», «Павольны факстрот», вальс «Дунайскія хвалі», «Венскі вальс», «Сіртакі», «Румба», джайв, ча-ча-ча, самба і іншыя).
Калектыў – лаўрэат і дыпламант Усесаюзнага фестывалю аматарскай народнай творчасці (1990), Усебеларускага фестывалю народнага мастацтва «Беларусь – мая песня» (1998, 2005), Рэспубліканскага тэлевізійнага фестывалю юных талентаў «Усе мы родам з дзяцінства» (1994, 1996), Рэспубліканскага тэлевізійнага конкурсу «Тэлебом» (Мазыр, 1994).
Ансамбль пастаянна ўдзельнічае ў фестывалях і канцэртах Віцебска, вобласці і рэспублікі, сярод якіх Міжнародны фестываль мастацтваў «Славянскі базар у Віцебску» і Міжнародны конкурс па спартыўных бальных танцах «Віцебская сняжынка».
Кіраўнік і стваральнік ансамбля – балетмайстар Ірына Бальшакова.
    
|
ЛІТАРАТУРА
1. Большакова, И. М. Танец – это еще и способ воспитания / И. М. Большакова ; беседовала В. Варавко // Народнае слова. – 2005. – 6 верас. – С. 5.
2. Большакова, И. Танцует «Мозаика» / И. Большакова ; беседовал Ю. Ивановский // Віцебскі рабочы. – 2003. – 18 снеж. – С. 12.
3. Сеньков, В. Влюбленные в танец / В. Сеньков // Віцьбічы = Витьбичи. – 2003. – 11 нояб. – С. 5.
4. Уроки доброты в танцевальном зале / подгот. Т. Пастернак // Витебские вести. – 2021. – 8 окт. – С. 1, 11.
5. Шэвякова-Багарад, І. В. Віцебскі ўзорны ансамбль бальнага танца «Мазаіка» / І. В. Шэвякова-Багарад // Культура Беларусі : энцыклапедыя : [у 6 т.] / рэдкал.: Т. У. Бялова [і інш.]. – Мінск : БелЭн імя П. Броўкі, 2011. – Т. 2 : Б–Г. – С. 357.
СПАСЫЛКІ
