Афганистан. Без права на забвение

Афганистан. Без права на забвение

Афганистан. Без права на забвение

Художники Витебщины

Художники Витебщины

Художники Витебщины

Караткевіча Уладзіміра музей. Аршанскі раён, г. Орша

 

Сучасная назва «Аршанскі музей У. С. Караткевіча»
Тып установа культуры
Дата заснавання 2000
Месца знаходжання  Віцебская вобласць, Аршанскі раён, г. Орша
Сайт http://orsha.museum.by/node/32910

 

Музей Уладзіміра Караткевіча заснаваны ў г. Оршы паводле рашэння Аршанскага выканаўчага камітэта ад 20 красавіка 1994 года. 26 лістапада 2000 года, да 70-годдзя з дня нараджэння пісьменніка, быў адкрыты будынак музея з невялікай экспазіцыяй толькі ў адной зале. А з лютага 2002 г. музей гасцінна адчыніў дзверы для сваіх наведвальнікаў.

Філіял Музейнага комплексу гісторыі і культуры Аршаншчыны. Размяшчаецца ў доме, які з’яўляецца помнікам архітэктуры канца XIX – пачатку XX ст. З 1925 г. тут размяшчаўся радзільны дом, у якім 26 лістапада 1930 года і з'явіўся на свет будучы пісьменнік.
Асноўныя кірункі дзейнасці музея – вывучэнне, асэнсаванне і прапаганда творчай спадчыны У. Караткевіча, фарміраванне і выхаванне ў маладога пакалення творчых здольнасцей і эстэтычнага густу, пачуцця патрыятызму, нацыянальнай самасвядомасці, пашаны да роднай мовы, культурных і літаратурных набыткаў, гісторыі свайго народа на аснове твораў пісьменніка.

У аснову экспазіцыі «Жыццё, творчасць і літаратурная спадчына У. С. Караткевіча» пакладзены тэматыка-храналагічны прынцып, вылучаны тэматычныя раздзелы, у якіх выразна прадстаўлены творчы і асабісты лёс пісьменніка, яго грамадзянская пазіцыя, найбольш значныя падзеі і асобы ў літаратурным жыцці Аршаншчыны: «Радавод У. С. Караткевіча», «Дзіцячыя гады У. С. Караткевіча», «Юнацтва. Пачатак творчасці», «У. С. Караткевіч – настаўнік», «Партрэт пісьменніка і чалавека», «Літаратурная спадчына», «Караткевіч у мастацтве», «Час Караткевіча». Тут экспануюцца асабістыя рэчы, дакументы, фотаздымкі, архіўныя матэрыялы, аўтабіяграфія У. Караткевіча, арыгінальныя рукапісы, сяброўскія шаржы, малюнкі пісьменніка, кнігі з дароўнымі подпісамі, выказванні і лісты сучаснікаў.

Пры музеі дзейнічае навукова-даследчы цэнтр, які займаецца вывучэннем творчасці У. С. Караткевіча і іншых пісьменнікаў, а таксама знакамітых людзей Аршаншчыны. У будынку ёсць выставачная галерэя для часовых выставак.

Адрас: Віцебская вобласць, Аршанскі раён, г. Орша, вуліца У. Леніна, д. 26.

 

Музей Уладзіміра Караткевіча, Аршанскі раён, г. Орша. Фатаграфія з сайта http://orsha.museum.byМузей Уладзіміра Караткевіча, Аршанскі раён, г. Орша. Фатаграфія з сайта http://orsha.museum.byМузей Уладзіміра Караткевіча, Аршанскі раён, г. Орша. Фатаграфія з сайта http://orsha.museum.by

 

ЛІТАРАТУРА

1. Барысенка, У. Вяртанне Уладзiмiра Караткевiча / У. Барысенка // Рэспублiка. – 2000. – 29 лiстап. – С. 2.

2. Гамзовіч, Р. «Жыве Караткевіч у горадзе родным...» / Р. Гамзовіч // Алеся. – 2010. – № 11. – С. 18–19.

3. Музей У. Караткевіча // Памяць: Орша. Аршанскі раён : гісторыка-дакументальныя хронікі гарадоў і раёнаў Беларусі : у 2 кн. / рэдкал.: Г. П. Пашкоў [і інш.] ; склад.: Т. Г. Ігнацьева [і інш.] ; мастак Э. Э. Жакевіч. – Мінск : БелЭн, 2000. – Кн. 2. – С. 482.

4. Оршанский музей В. Короткевича // Туристские регионы Беларуси / под общ. ред. И. И. Пирожника. – Мінск : БелЭн імя П. Броўкі, 2008. – С. 168.

5. Пашковіч, В. Здабыткі нацыянальнай літаратуры цяпер у гукавым фармаце / В. Пашковіч // Телеком-экспресс (Орша). – 2009. – 26 нояб. – С. 10.

6. Пашковіч, В. Рэчы, дарагія Караткевічу / В. Пашковіч // Літаратура і мастацтва. – 2010. – 26 лістап. – С. 12.

7. Пашковіч, В. Справа гонару аршанцаў / В. Пашковіч // Краязнаўчая газета. – 2010. – № 44 (лістап.). – С. 4.

8. Пятрушын, В. Адкрыт музей Караткевіча / А. Пятрушын // Витебский курьер. – 2002. – 22 февр. – С. 3.

9. Суша, Г. Аршанская планета Караткевіча / Г. Суша // Культура. – 2005. – 15–21 кастр. – С. 12.

10. Сямашка, М. У госці да рыцара сумлення і свабоды / М. Сямашка // Аршанская газета. – 2010. – 11 лістап. – С. 2.

11. Чэмер, М. Орша: там, дзе ён ёсць, быў і будзе / М. Чэмер // Настаўніцкая газета. – 2010. – 6 лістап. – С. 8–9.

12. Шутава, В. Да Караткевіча ў музей / В. Шутава // Народнае слова. – 2009. – 28 лістап. – С. 4.

13. Юркевіч, Г. А. Караткевіча Уладзіміра музей / Г. А. Юркевіч // Музеі Беларусі = Музеи Беларуси / рэд.: Г. П. Пашкоў [і інш.] ; маст.: В. В. Катовіч, М. У. Чуднікаў. – Мінск : БелЭн імя П. Броўкі, 2008. – С. 278–280.

14. Юркевіч, Г. Культурны ўзаемаабмен: творчы праект «Музеі Бельгіі і Беларусі» / Г. Юркевіч // Телеком-экспресс (Орша). – 2010. – 18 марта. – С. 1–2.