Музей гісторыі віцебскага трамвая. Віцебск, г.
- Подробности
- Створана 08.04.2019 12:23
- Адноўлена 22.05.2023 11:39
| Сучасная назва | Музей гісторыі віцебскага трамвая |
| Дата заснавання | 1966 |
| Месца знаходжання | г. Віцебск |
Віцебск з'яўляецца першым на тэрыторыі Беларусі горадам, дзе з'явіўся трамвайны рух (1898). Народны музей гісторыі віцебскага трамвая прысвечаны гісторыі развіцця электратранспарту (трамвая і тралейбуса) у Віцебску. Знаходзіцца ў адміністрацыйным будынку трамвайнага дэпо. Плошча экспазіцыі – 110 м2. Створаны па ініцыятыве Л. А. Забелы, які працаваў у віцебскім трамвайна-тралейбусным упраўленні (1959–1985), на аснове архіўных дакументаў, успамінаў работнікаў ТТУ. Яго працу працягваў Паўлючкоў Васіль Міхайлавіч.
Музей мае пяць раздзелаў і больш за 2 тысячы экспанатаў. Першы раздзел асвятляе гісторыю віцебскага трамвая з 1896 па 1917 гг. Другі раздзел адлюстроўвае міжваенны перыяд, развіццё трамвайнай сеткі. Трэці расказвае пра ўдзел трамвайшчыкаў у Вялікай Айчыннай вайне. Чацвёрты прысвечаны аднаўленню разбуранай гаспадаркі і пасляваеннаму развіццю. У пятым раздзеле асвятляецца развіццё электрычнага транспарту ў Віцебску з 1970 года па сённяшні дзень. Сярод найбольш цікавых экспанатаў – дагавор паміж бельгійскім акцыянерным таварыствам і віцебскай гарадской управай на будаўніцтва трамвая, акцыя на 100 франкаў акцыянернага таварыства «Трамваі Віцебска», макет будынка электрастанцыі, якая выпрацоўвала ток для трамвая (зараз – будынак музея гісторыі прыватнага калекцыянавання), макет трамвая 1898 года і іншыя. Таксама ў экспазіцыі размешчаны макеты розных вагонаў, якія эксплуатаваліся ў горадзе: ад першай бельгійскай вытворчасці да чэшскай і савецкай. Захоўваецца «Кніга ганаровых трамвайшчыкаў», у якую заносяцца імёны тых, хто адпрацаваў у ТТУ больш за 35 гадоў.
Адрас: г. Віцебск, вуліца 5-я Фрунзэ, 7.
E-mail: Этот адрес электронной почты защищен от спам-ботов. У вас должен быть включен JavaScript для просмотра.
 
|
ЛІТАРАТУРА
1. Дашкевич, В. Шел по городу трамвай / В. Дашкевич // Беларускi час. – 2019. – 29 сак. – С. 8.
2. Дроздова, Н. На трамвае времени – сквозь столетия / Н. Дроздова // Віцьбічы = Витьбичи. – 2016. – 19 нояб. – С. 6.
3. Музей гісторыі віцебскага трамвая трамвайна-тралейбуснага ўпраўлення // Музеі Віцебска на пачатку XXI cт. / М. В. Півавар. – Віцебск : ВДУ імя П. М. Машэрава, 2012. – С. 70–71.
4. Музей истории Витебского трамвая : буклет / отв. за вып. А. Фрумин. – Витебск : УКТП «Витебское трамвайно-троллейбусное управление», 2008. – 18 с.
5. Музей истории витебского трамвая // Витебск : путеводитель / текст Л. Хмельницкой ; фото: В. Базан, С. Плыткевич. – Витебск : Рифтур, 2003. – С. 55.
6. Музей истории витебского трамвая // Витебск за один день : [путеводитель] / текст Л. Хмельницкой ; фото С. Плыткевич. – Витебск : Рифтур, 2013. – 76–77.
7. Павлючков, В. М. Под звуки трамвай-марша / В. М. Павлючков ; беседовал С. Голесник // Советская Белоруссия. – 2016. – 22 окт. – С. 8.
8. Павлючков, В. Витебский трамвай: люди, события, факты / В. Павлючков. – Минск : НББ, 2014. – 559 с.
9. Музей истории витебского трамвая // 50 музеев Витебска : путеводитель / Н. В. Пивовар ; худож. А. Гайтюкевич. – Витебск : Витебская областная типография, 2016. – С. 38–39.
СПАСЫЛКІ
