Помнікі гісторыі. Ушацкі раён
- Подробности
- Створана 14.05.2020 13:42
- Адноўлена 14.05.2020 10:52
На тэрыторыі Ушацкага раёна знаходзіцца 158 помнікаў гісторыі і культуры. 101 з іх – гэта скульптурныя помнікі, абеліскі і мемарыяльныя дошкі.
У Дзяржаўны спіс гісторыка-культурных каштоўнасцяў Рэспублікі Беларусь унесена 34 аб'екты, размешчаныя на тэрыторыі Ушацкага раёна, – помнікі археалогіі (22), архітэктуры (2) і помнікі гісторыі (10).
На асобным рахунку помнікі і памятныя мясціны, прысвечаныя падзеям Вялікай Айчыннай вайны. Ушаччына – не толькі край блакітных азёр, цяністых бароў, які мы зараз бачым у мірны час, але і багаты баявымі традыцыямі. Гэта край мужнасці, подзвігу, партызанскай славы. Удзячныя нашчадкі ўвасобілі гэтыя подзвігі ў граніце, бронзе, манументах, ансамблях і помніках.
На тэрыторыі раёна размешчаны мемарыяльны комплекс «Прарыў», створаны ў 1974 годзе скульптарам А. Анікейчыкам і архітэктарамі – Ю. Градавым і Л. Левіным, а таксама помнікі ахвярам фашызму, савецкім воінам і партызанам:
помнік Касцючэнка Надзеі Лявонаўне ў в. Арэхаўна;
помнік на брацкай магіле ахвяр фашызму і савецкіх воінаў у в. Жары;
помнік на брацкай магіле савецкіх воінаў у в. Малыя Дольцы;
помнік на брацкіх могілках партызан, падпольшчыкаў і савецкіх воінаў у г. п. Ушачы;
помнік на брацкіх могілках чырвонаармейцаў і партызан ў в. Антунова;
помнік на магіле братоў Андрэя і Уладзіміра Чэпікаў ля в. Чарсцвяды;
помнік на магіле савецкага воіна ў в. Усвіца;
помнік Фядураву В. М. і Шашковай В. М. у в. Залужэнне;
помнікі ахвярам фашызму ў вёсках Бабовішча, Усая;
помнікі вучням, якія загінулі ў гады Вялікай Айчыннай вайны ў вёсках Гарбаціна, Глыбачка;
помнікі землякам, якія загінулі ў гады Вялікай Айчыннай вайны ў вёсках Арэхаўна, Гарбаціна, Глыбачка, Дубраўка, Жары, Казімірова, Лозы, Ляснеўшчына, Матырына, Плігаўкі, Рагуцкія, Сарочына, Селішча, Слабада, Старынка, Турасполле;
помнікі на брацкіх магілах партызан у вёсках Афераўшчына, Вялікія Дольцы, Усвея;
помнікі на брацкіх магілах савецкіх воінаў і партызан ў вёсках Вялікія Дольцы, Глыбачка, Дубраўка, Жары, Капусціна, Кублічы, Павулле, Старынка;
помнікі на магілах ахвяр фашызму ў г. п. Ушачы, вёсках Белае, Забораўна, Загаваліна, Ляснеўшчына, Малыя Дольцы, Шасцярні;
стэллы, мемарыяльныя, памятныя знакі на месцах спаленых вёсак, якія не існуюць: Асінаўка, Баравыя, Бачкары, Белашы, Брады, Гараўцы, Гвазды, Гліннікі, Грыгары, Гуцішчы, Жарэнькава, Кіслы, Кісялі, Мурагі, Стараселле, Чырвоная Горка.
   
|
ЛІТАРАТУРА
1. Караленка, В. І стала Белае чорным / В. Караленка // Патрыёт (Ушачы). – 2017. – 6 ліп. – С. 5.
2. Караленка, В. «Нашы брацкія магілы» / В. Караленка // Патрыёт (Ушачы). – 2019. – 23 сак. – С. 5.
3. Раманоўскі, Д. Доблесць нацыянальнасці не мае / Д. Раманоўскі // Патрыёт (Ушачы). – 2015. – 8 мая. – С. 2.
4. Раманоўскі, Д. Нашы святыя месцы / Д. Раманоўскі // Патрыёт (Ушачы). – 2018. – 30 чэрв. – С. 4.
5. Раманоўскі, Д. Помнік братам партызанам / Д. Раманоўскі // Патрыёт (Ушачы). – 2015. – 8 ліп. – С. 5.
6. Раманоўскі, Д. Свае сярод сваіх / Д. Раманоўскі // Патрыёт (Ушачы). – 2015. – 14 студз. – С. 2.
7. Ушацкі раён // Збор помнікаў гісторыі і культуры Беларусі. Віцебская вобласць / рэдкал.: С. В. Марцэлеў [і інш.]. – Мінск : БелСЭ імя П. Броўкі, 1985. – С. 423–440.
8. Ушацкі раён // Памяць. Беларусь : рэспубліканская кніга / гал. рэд.: Б. І. Сачанка [і інш.]. – Мінск : БелЭн, 1995. – С. 213–217.
СПАСЫЛКІ
