Дабееўскае возера. Шумілінскі раён

Подробности

Створана 21.05.2018 09:43

Адноўлена 02.09.2020 09:00

Дабееўскае возера знаходзіцца ў басейне ракі Сечна (правы прыток Заходняй Дзвіны), якая выцякае з возера, за 7 км на паўднёвы захад ад г. п. Шуміліна, каля в. Дабея. Плошча возера 2,3 км², найбольшая глыбіня 3,6 м, даўжыня 2,22 км, найбольшая шырыня 1,35 км, даўжыня берагавой лініі 6,3 км, аб’ём вады 1,65 млн. м³, плошча вадазбору яго складае 31,9 км². Мае круглую катлавіну. Схілы катлавіны невыразныя, на ўсходзе 4–5 м, разараныя. Берагі сплавінныя. Дно плоскае, выслана сапрапелем, які здабываецца на ўгнаенне. У выніку меліярацыі ўзровень возера панізіўся на 1 м. Моцна зарастае па ўсёй плошчы. Злучана ручаём з азёрамі Круглік і Мошна.

ЛІТАРАТУРА

1. Дабееўскае // Блакітны скарб Беларусі : энцыклапедыя / рэдкал.: Г. П. Пашкоў [і інш.] ; маст.: Ю. А. Тарэеў, У. І. Цярэнцьеў. – Мінск : БелЭн, 2007. – С. 154.

2. Добеевское, озеро // Природа Беларуси : энциклопедия : в 3 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Климат и вода. – С. 153.