Медыцына. Полацкі раён, г. Полацк
- Подробности
- Створана 04.06.2019 08:40
- Адноўлена 10.06.2019 10:43
У 1917 годзе ў Полацку функцыянавалі 2 бальніцы (земская і яўрэйская), працавалі дзве амбулаторыі (школьная і гарадская). У 1918 годзе ў горадзе быў абсталяваны барак для хворых тыфам і адкрыта трэцяя па ліку амбулаторыя пры аптэцы. Значную ролю іграў санітарна-эпідэміялагічны аддзел, які быў створаны ў 1919 годзе, і падпарадкоўваўся аддзелу аховы здароўя. Працу па медыцынскім абслугоўванні насельніцтва ў горадзе Полацк узначальваў павятовы медыка-санітарны аддзел, які быў створаны 1 верасня 1918 года. Пазней ён стаў называцца павятовым аддзелам аховы здароўя.
У 1921 годзе на базе земскай бальніцы і фінляндскага шпіталя адкрылася Народная бальніца, у якой фунцыянавала некалькі аддзяленняў – тэрапеўтычнае, хірургічнае, венералагічнае, інфекцыйнае і гінекалагічнае. У 1925 годзе ў горадзе працавала акруговая бальніца (якой было прысвоена імя У. І. Леніна) на 100 месцаў і 3 урачэбныя амбулаторыі з 2 зубалячэбнымі кабінетамі. У 1924 годзе пры бальніцы адкрылася вочнае аддзяленне, у 1926 годзе – радзільны прыём, на наступны год – дзіцячае і гінекалагічнае аддзяленні. У той жа час у горадзе пачала працу жаночая кансультацыя, пры якой планавалася адкрыць малочную кухню і юрыдычную кансультацыю для цяжарных жанчын. 1 сакавіка 1925 года ў Полацку прыступіў да працы скурна-венералагічны дыспансер як лячэбна-прафілактычная ўстанова.
Адразу пасля вайны былі адноўлены будынкі гарадской бальніцы і радзільнага дома. У 1948 годзе быў адкрыты анкалагічны дыспансер, а ў 1956 годзе – абласная псіханеўралагічная бальніца, у 1960 годзе – стаматалагічная паліклініка. У 1947 годзе быў узведзены будынак чыгуначнай бальніцы. На прамысловых прадпрыемствах і ў навучальных установах дзейнічала 20 пунктаў аховы здароўя. Медыцынскім абслугоўваннем палачан у 1985 годзе займалася 5 стацыянарных медыцынскіх устаноў на 1,5 тыс. ложкаў, шэраг паліклінік і дыспансераў, 5 аптэк, жаночая кансультацыя, дзіцячая малочная кухня. У іх працавала звыш 300 урачоў і 1 тысяча чалавек сярэдняга медыцынскага персаналу, правізараў, фармацэўтаў.
У 2005 годзе была сфарміравана новая структура сістэмы аховы здароўя горада і раёна – дзяржаўная ўстанова аховы здароўя «Полацкая цэнтральная гарадская бальніца». Праведзены рэканструкцыі і капітальныя рамонты ў Полацкай цэнтральнай гарадской паліклініцы, дзіцячай паліклініцы, тэрапеўтычным корпусе, цэнтральнай гарадской бальніцы, анкалагічным дыспансеры.
Медыцынскія работнікі накіроўваюць сваю работу на павышэнне якасці і культуры аказання медыцынскай дапамогі жыхарам горада і раёна, павышэнне эфектыўнасці прафілактычных і супрацьэпідэмічных мерапрыемстваў, развіццё пярвічнай медыка-санітарнай дапамогі, павышэнне кваліфікацыі ўрачоў і сярэдняга медыцынскага персаналу, паляпшэнне матэрыяльна-тэхнічнай базы, пашырэнне аб'ёмаў і відаў аказваемых платных паслуг і актывізацыі пазабюджэтнай дзейнасці.
У цяперашні час, у апаведнасці са Статутам установы, у склад дзяржаўнай установы аховы здароўя «Полацкая цэнтральная гарадская бальніца» на правах адасобленых структурных падраздзяленняў уваходзяць:
Бабыніцкі фельчарска-акушэрскі пункт;
Багатырская ўрачэбная амбулаторыя;
Вароніцкая бальніца сястрынскага догляду;
Ветрынская ўчастковая бальніца;
Гаранская ўрачэбная амбулаторыя;
Гарчакоўская ўрачэбная амбулаторыя;
Гомельскі фельчарска-акушэрскі пункт;
Домнікаўскі фельчарска-акушэрскі пункт;
Дрэтуньскі фельчарска-акушэрскі пункт;
Залескі фельчарска-акушэрскі пункт;
Заскаркаўскі фельчарска-акушэрскі пункт;
Захарніцкі фельчарска-акушэрскі пункт;
здраўпункты;
Карпекаўскі фельчарска-акушэрскі пункт;
Льнозавадскі фельчарска-акушэрскі пункт;
Маласітнянскі фельчарска-акушэрскі пункт;
медыка-санітарная частка ААТ «Полацк – Шкловалакно»;
Нацкі фельчарска-акушэрскі пункт;
Палатоўская бальніца сястрынскага догляду;
Паметніцкі фельчарска-акушэрскі пункт;
Полацкая гарадская бальніца № 1;
Полацкая гарадская паліклініка № 1;
Полацкая гарадская паліклініка № 2;
Полацкая дзіцячая паліклініка;
Полацкая стаматалагічная паліклініка;
Полацкая цэнтральная гарадская бальніца;
Полацкая цэнтральная гарадская паліклініка;
Полацкі міжраённы анкалагічны дыспансер;
Руднянскі фельчарска-акушэрскі пункт;
Станцыя хуткай і неадкладнай медыцынскай дапамогі;
Сестрынкоўская бальніца сястрынскага догляду;
Трасніцкі фельчарска-акушэрскі пункт;
Трудаўскі фельчарска-акушэрскі пункт;
Сестрынкоўская бальніца сястрынскага догляду;
Чарнаруцкі фельчарска-акушэрскі пункт;
Шпакаўшчынскі фельчарска-акушэрскі пункт;
Юравіцкі фельчарска-акушэрскі пункт.
Спецыялізаваную медыцынскую дапамогу: псіхатэрапеўтычную, псіхіятрычную, наркалагічную і псіхалагічную аказвае Полацкая абласная псіхіятрычная бальніца.
       
|
ЛІТАРАТУРА
1. Бегунова, Е. Без скидок на расстояния / Е. Бегунова // Рэспубліка. – 2011. – 22 верас. – С. 5.
2. Будник, М. Важнейшая забота – здравоохранение / М. Будник // Трудовая смена (Полоцк). – 2008. – 6 сент. – С. 3.
3. Ільніцкі, А. М. Аб навуковай дзейнасці ў медыцынскім асяроддзі Полацка ў сярэдзіне XX стагоддзя / А. М. Ільніцкі // Вестник Полоцкого государственного университета. Серия А. Гуманитарные науки. – 2007. – № 7. – С. 47–51.
4. Из истории полоцкого здравоохранения: люди и факты // Полацкі веснік. – 2004. – 21 снеж. – С. 6.
5. Ильницкий, А. Н. «Дай моим больным доверие ко мне и к моему искусству...»: краткие заметки об истории медицины Полоцка / А. Н. Ильницкий, К. И. Прощаев, О. В. Козел. – Санкт-Петербург : Система, 2005. – 52 с.
6. Каленик, А. Врачи всегда рядом / А. Каленик // Полацкі веснік. – 2007. – 21 жн. – С. 5.
7. Каленик, Е. В центре внимания – пациент / Е. Каленик // Полацкі веснік. – 2018. – 18 снеж. – С. 2.
8. Каленик, Е. Медицина: итоги и перспективы / Е. Каленик // Полацкі веснік. – 2018. – 23 лют. – С. 2.
9. Козел, О. В. Развитие здравоохранения в Полоцке в 20-е годы XX в. / О. В. Козел // Здравоохранение. – 2004. – № 11. – С. 59–61.
10. Малашеня, Л. Здоровье зависит не только от медицины / Л. Малашеня // Народнае слова. – 2006. – 18 лістап. – С. 2.
11. Малашеня, Л. Продлить жизнь, наполнив смыслом / Л. Малашеня // Витебские вести. – 2018. – 18 янв. – С. 5.
12. Медыцынскае абслугоўванне // Памяць: Полацк : гісторыка-дакументальныя хронікі гарадоў і раёнаў Беларусі / рэдкал.: Г. П. Пашкоў [і інш.] ; склад. С. С. Чарняўская ; навук. рэд.: Г. В. Штыхаў, С. В. Тарасаў ; мастак Э. Э. Жакевіч. – Мінск : БелЭн, 2002. – С. 698.
13. Насонова, Т. От рыцарских времен до нынешних / Т. Насонова // Віцьбічы = Витьбичи. – 2012. – 20 марта. – С. 5.
14. Садовникова, Т. С. История аптечной службы г. Полоцка и Полоцкого района / Т. С. Садовникова // Краткая история Витебской фармации : материалы к конференции «Партнерство в лекарственном обеспечении» / редкол.: Ю. Б. Войтехович [и др.]. – Витебск, 2002. – С. 65–78.
15. Стома, А. Н. По принципу содружества / А. Н. Стома ; беседовала Е. Каленик // Полацкі веснік. – 2018. – 7 снеж. – С. 3.
16. Уездный отдел работал с населением // Полацкi веснік. – 2004. – 24 жн. – С. 7.
СПАСЫЛКІ
