Віцебскэнерга, РУП. г. Віцебск

Подробности

Створана 05.01.2024 12:23

Адноўлена 08.01.2024 09:04

РУП «Віцебскэнерга» – буйнейшае прадпрыемства электраэнергетыкі ў складзе дзяржаўнага вытворчага аб'яднання «Белэнерга». Створана ў 1962 годзе ў г. Віцебску на базе электрасеткі Віцебскай вобласці як раённае ўпраўленне «Віцебскэнерга». У 1970 годзе перайменавана ў раённае энергетычнае ўпраўленне. З 1989 года – вытворчае энергетычнае ўпраўленне Беларускага тэрытарыяльнага энергетычнага аб'яднання «Баларусэнерга». З 2000 года – рэспубліканскае ўнітарнае прадпрыемства.

Віцебская энергасістэма з'яўляецца пачынальнікам Беларускай энергасістэмы. Першая прамысловая электрастанцыя ў Віцебскай вобласці была пабудавана ў г. Віцебску ў 1898 годзе і прызначалася для забеспячэння электраэнергіяй трамваяў і асвятлення цэнтра горада. Развіццё вялікай энергетыкі ў рэспубліцы пачалося з Віцебскай вобласці, калі ў 1930 годзе была ўведзена ў эксплуатацыю Беларуская ДРЭС у Аршанскім раёне. У гэты ж перыяд былі пабудаваны і першыя лініі электраперадачы. За гады станаўлення і развіцця Віцебскай энергасістэмы пабудаваны электрычныя станцыі ў Віцебску, Оршы, Полацку і Наваполацку. У 1967 годзе ў вобласці завершана электрафікацыя сельскіх населеных пунктаў. Прыкладна ў сярэдзіне 60-х гадоў у Беларусі пачаў адчувацца востры энергадэфіцыт. Было прынята рашэнне аб будаўніцтве на беразе вялікага Лукомскага возера новай электрастанцыі – Лукомскай ДРЭС. У снежні 1969 года быў паспяхова ўведзены ў эксплуатацыю першы блок 300 МВт электрастанцыі, што вырашыла праблему электразабеспячэння Паўночна-Заходняга рэгіёна краіны.

Па выпрацоўцы электраэнергіі Віцебская энергасістэма на сённяшні дзень самая магутная ў краіне. Асноўным накірункам дзейнасці РУП «Віцебскэнерга» сёння з'яўляецца здзяйсненне вытворчасці, перадачы, распаўсюджання электрычнай і цеплавой энергіі, продаж гэтай энергіі карыстальнікам. Устаноўленая электрычная магутнасць 3399,755 МВт, што складае больш як 38 % магутнасці ўсіх электрастанцый, якія ўваходзяць у ДВА «Белэнерга». Эксплуатуецца 217 падстанцый напружаннем 35–330 кВ, больш 13 тысяч трансфарматарных падстанцый 10–0,4 кВ, звыш 50 тысяч км ліній электраперадач напружаннем 0,4–330 кВ. Вытворчасць электраэнергіі складае 10–13 млрд кВт/ч у год. Падача цеплавой энергіі складае 5–6 млн Гкал у год. Забяспечана ўстойлівае энергазабеспячэнне карыстальнікаў.

У склад прадпрыемства ўваходзіць 17 структурных падраздзяленняў (філіялаў):

– электрастанцыі:

   – Лукомльская ДРЭС;

   – Наваполацкая ЦЭЦ;

   – Аршанская ЦЭЦ;

   – Беларуская ДРЭС;

   – Віцебская ЦЭЦ;

   – Полацкая ЦЭЦ;

– філіялы электрычных сетак:

   – Віцебскія электрычныя сеткі;

   – Глыбоцкія электрычныя сеткі:

   – Полацкія электрычныя сеткі;

   – Аршанскія электрычныя сеткі;

– Віцебскія цеплавыя сеткі;

– Вучэбны цэнтр;

– Цэнтр фізкультурна-аздараўленчай работы;

– Энергазбыт;

– Віцебскэнергаспецрамонт;

– Сельскагаспадарчыя філіялы:

   – «Вясна-энерга» (Полацкі раён);

   – «Цяплічны» (Аршанскі раён).

РУП «Віцебскэнерга» аснашчана сучаснай тэхналагічнай базай, у якую ўваходзяць больш за 37 % магутнасцей усіх электрастанцый ДВА «Белэнерга».

Асаблівая годнасць РУП «Віцебскэнерга» – свой «Вучэбны цэнтр», у якім праходзіць навучанне працоўных і спецыялістаў на электратэхнічныя і цеплатэхнічныя прафесіі з наступным працаўладкаваннем.

Зараз на прадпрыемстве працуе звыш 10 тысяч чалавек.

Адрас: Віцебская вобласць, горад Віцебск, вуліца Праўды, 30.

E-mail: Этот адрес электронной почты защищен от спам-ботов. У вас должен быть включен JavaScript для просмотра.

ЛІТАРАТУРА

1. Быньков, А. Витебскэнерго: всегда на связи с потребителем / А. Быньков // Віцьбічы = Витьбичи. – 2023. – 18 марта. – С. 11.

2. Витебские тепловые сети: Витебское республиканское унитарное предприятие электроэнергетики «Витебскэнерго» (РУП «Витебскэнерго»). – Витебск : Ювалан, 2004. – 20 с.

3. Витебское республиканское унитарное предприятие электроэнергетики «Витебскэнерго» (РУП «Витебскэнерго») является государственным предприятием, входящим в состав ГПО «Белэнерго» Министерства энергетики Республики Беларусь : [буклет] / [отв. за вып. В. А. Деревянко]. – Витебск : Витебcкая областная типография, 2012. – 20 с.

4. Витебской теплоэлектроцентрали 45 лет / сост. В. И. Почкаев, Т. В. Белякова. – Витебск : Витебская областная типография, 1999. – 38 с.

5. Витебскэнерго / ред. М. П. Кондратьев. – Витебск : Областная типография им. Коминтерна, 1975. – [27] с.

6. «Витебскэнерго». Хронологический указатель развития электроэнергетического хозяйства Витебской области / разраб.: А. Н. Козловский, Н. А. Козловский. – 3-е. изд., доп. – Витебск : РУП «Витебскэнерго», 2019. – 76 с.

7. ГПО «Белэнерго». РУП «Витебскэнерго», филиал «Витебская ТЭЦ» – 60 лет, 1954–2014 / [отв. за вып. А. Я. Каплевский]. – Витебск : Витебская областная типография, 2014. – 18 с.

8. Живые корни: история развития Витебской энергосистемы / А. Н. Козловский, А. П. Казарновская, Г. А. Андреева ; под ред. А. В. Озерца. – Витебск : Витебскэнерго, 2006. – 551 с.

9. Козловский, А. Н. «Витебскэнерго» / А. Н. Козловский // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 1. – С. 257–258.

10. Оршанская тепловая электростанция. – Орша : Б. и., 2009. – 12 с.

11. Пастернак, Т. Для продвижения инициатив / Т. Пастернак // Витебские вести. – 2023. – 23 июня. – С. 15.

12. Панченко, А. Такая работа – давать свет и тепло людям / А. Панченко ; [беседовала] Т. Пастернак // Витебские вести. – 2023. – 22 дек. – С. 12–13.

13. Учебный центр РУП «Витебскэнерго», 1964 – 2014 : [буклет] / [отв. за вып. В. А. Деревянко]. – Витебск : Витебcкая областная типография, 2014. – 22 с.

14. Филиал «Витебская ТЭЦ» – 65 лет, 1954–2019 / отв. за вып. А. Я. Каплевский. – Витебск : Витебская областная типография, 2019. – 25 с.

15. Филиал «Витебские тепловые сети»: Витебское республиканское унитарное предприятие электроэнергетики «Витебскэнерго» / [отв. за вып. Н. Н. Волчек]. – Витебск : Витебская областная типография, 2019. – 28 с.

16. Хасанова, И. Получить паспорт на... тепло / И. Хасанова // Віцьбічы = Витьбичи. – 2023. – 26 авг. – С. 11.

СПАСЫЛКІ

Наша марка. Витебское республиканское унитарное предприятие электроэнергетики «Витебскэнерго»

РУП «Витебскэнерго». История предприятия