Арэхаўскае возера. Аршанскі раён

Подробности

Створана 31.03.2017 08:40

Адноўлена 05.05.2017 05:37

Арэхаўскае возера (Вялікае Арэхаўскае, Арэхі) знаходзіцца ў басейне р. Аршыца (выцякае з возера), за 20 км на поўнач ад г. Оршы, каля г. п. Арэхаўск. Плошча возера 2,11 км², а найбольшая глыбіня – 3,5 м. Даўжыня 3,93 км, найбольшая шырыня 1,08 км. Даўжыня берагавой лініі 10,8 км. Аб'ём вады 4,34 млн. м³. Плошча вадаpбору 33,4 км². Катлавіна возера выцягнутая, схілы вышынёй 2–5 м, пад лесам, на паўночны захад вышынёй да 10–15 м. Берагі нізкія, параслі хмызняком, на ўсходзе і паўночным усходзе высокія, стромкія. Маецца востраў плошчай 2,4 га. Літараль пясчаная, ложа выслана ілам і сапрапелем. Зарастае слаба. У возеры багата рыбы, таму на ягоных берагах заўсёды шмат рыбакоў. У возера ўпадае 2 ручаі і рака Чорная.

ЛІТАРАТУРА

1. Арэхаўскае возера // Блакітны скарб Беларусі : энцыклапедыя / рэдкал.: Г. П. Пашкоў (гал. рэд.) [і інш.]. – Мінск : БелЭн, 2007. – С. 45.

2. Калинин, М. Ю. Водные ресурсы. Гидрография / М. Ю. Калинин // Природные ресурсы и охрана окружающей среды г. Орша и Оршанского района / М. Ю. Калинин. – Минск : Белсэнс, 2008. – С. 70–77.

3. Ореховское // Природа Беларуси : энциклопедия : в 3 т. / редкол.: Т. В. Белова [и др.]. – Минск : БелЭн імя П. Броўкі, 2009. – Т. 2 : Климат и вода. – С. 338.