Перыяд дзеяння:  ліпень 1941 г. – вераснь 1943 г.

Месца: в. Сімакі, Багушэўскі (цяпер Сенненскі) раён, Віцебская вобласць

Колькасць: 49 чалавек

Кіраўнікі: А. А. Нахаеў (да чэрвеня 1943 г.), А. Н. Ляхоўская

Сімакоўскае камсамольска-маладзёжнае падполле дзейнічала ў в. Сімакі Багушэўскага раёна з ліпеня 1941 г. да верасня 1943 г. Кіраўнікі – А. А. Нахаеў (да чэрвеня 1943 г.) і А. Н. Ляхоўская.

Спачатку падпольшчыкі збіралі зброю, наладжвалі стасункі з дэсантнымі групамі, распаўсюджвалі сярод насельніцтва зводкі Саўінфармбюро. Пасля ўстанаўлення ў чэрвені 1942 г. сувязі з партызанскай брыгадай імя А. Ф. Данукалава дзейнасць згуртавання кіравалася камандаваннем брыгады і начальствам Віцебскага партыйна-камсамольскага падполля. Падпольшчыкі перадавалі партызанам зброю, забяспечвалі іх харчамі. Калі навісла пагроза арышту, большасць падпольшчыкаў пайшла ў партызаны.

У барацьбе з нямецка-фашысцкімі акупантамі загінулі М. А. і Р. Ф. Грышанавы, А. Н. Ляхоўская, Б. І. Уткін.