Перыяд дзеяння:  з 10 мая 1942 г.

Месца: Віцебскі раён, Віцебская вобласць

Сакратар: Е. А. Крыцкая, В. А. Загорскі

Члены: В. Д. Курыленка, А. Ц. Юпатаў, В. М. Казлоўскі, А. М. Нямыкін, І. Д. Раманаў

У ліпені 1941 года Віцебскі абкам камсамола і Віцебскі райкам партыі пакінулі на тэрыторыі раёна для падпольнай дзейнасці 60 камсамольцаў.

Падпольны райкам камсамола створаны Віцебскім падпольным абкамам ЛКСМБ. Пачаў працаваць 10 мая 1942 года. У ліпені 1943 года сакратар райкама Е. А. Крыцкая была эвакуіравана ў савецкі тыл. У кастрычніку–лістападзе 1943 года яна ўзначальвала легальны Віцебскі райкам камсамола на вызваленай савецкімі войскамі частцы тэрыторыі раёна. У той жа час яна адначасова заставалася і сакратаром Віцебскага падпольнага райкама. У падполлі да 11 лістапада 1943 года працавалі члены раённага камітэта В. А. Загорскі і А. Ц. Юпатаў.

Асноўная база падпольнага райкама камсамола знаходзілася ў 1-й Віцебскай партызанскай брыгадзе ў Віцебскім раёне.