Бася, рака. Дубровенскі раён

Подробности

Створана 21.05.2018 09:22

Адноўлена 21.05.2018 11:07

Бася, рака, правы прыток ракі Проня (басейн Дняпра). Даўжыня 104 км. Плошча вадазбору 955 км². Сярэдні нахіл воднай паверхні 0,68 %. Пачынаецца на Смаленскім узвышшы на ўскраіне вёскі Анціпенкі Дубровенскага раёна, працякае па Аршанска-Магілёўскай раўніне. Даліна скрынкападобная, шырынёй 300–500 м. Рэчышча ўмерана звілістае, у верхнім цячэнні каналізаванае, на асобных участках расчышчанае; шырыня ў сярэднім і ніжнім цячэнні 10–15 м. Берагі стромкія. Мае 39 невялікіх прытокаў.

ЛІТАРАТУРА

1. Бася // Блакітны скарб Беларусі : энцыклапедыя / рэдкал.: Г. П. Пашкоў [і інш.] ; маст.: Ю. А. Тарэеў, У. І. Цярэнцьеў. – Мінск : БелЭн, 2007. – С. 62.

2. Бася // Прыродная спадчына Дубровеншчыны : эколага-краязнаўчы даведнік / склад. Н. А. Дударава. – Наваполацк : ІП Маладзечкін А. У., 2015. – С. 4.

3. Бася // Природа Беларуси : энциклопедия : в 3 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Климат и вода. – С. 28.