Дамы і палацы культуры. Мастацкая самадзейнасць. Гарадоцкі раён
- Подробности
- Створана 07.07.2020 09:42
- Адноўлена 06.07.2020 10:33
Гарадоччына багата сваім культурным патэнцыялам. Народныя традыцыі, абрады, заслужаныя калектывы і майстры культурных устаноў складаюць пласт гісторыка-культурнай спадчыны.
У раёне дзейнічаюць наступныя ўстановы культуры: ДУК «Цэнтр традыцыйнай культуры і народнай творчасці Гарадоцкага раёна», у якую ўваходзяць: ДУК «Гарадоцкі Дом рамёстваў і фальклору», Езярышчанскі гарпасялковы ДК, сельскія дамы культуры – 8, сельскія клубы – 3, клубы-бібліятэкі – 3, аўтаклуб – 1; ДУК «Гарадоцкі гарадскі Дом культуры», ДУК «Гарадоцкі культурна-асветніцкі цэнтр і сетка публічных бібліятэк», якая складаецца з раённай бібліятэкі, Езярышчанскай гарпасялковай і 16 сельскіх бібліятэк; ДУА «Гарадоцкая дзіцячая школа мастацтваў», у склад якой уваходзяць тры філіялы: Бычыхінскі, Езярышчанскі і Пальмінскі; УК «Гарадоцкі раённы краязнаўчы музей» і КУКП «Гарадоцкая раённая райкінавідэасетка».
Ва ўстановах культуры працуе 138 клубных фарміраванняў, дзе займаюцца 1353 чалавекі, 76 фарміраванняў для дзяцей.
Званні «народны» і «ўзорны» маюць 14 калектываў. Для гарадскога і сельскага насельніцтва культурнымі ўстановамі раёна за 2019 год праведзена 3963 мерапрыемствы: 298 – аўтаклубам, 2972 – сельскімі дамамі культуры і клубамі. На платнай аснове праведзена 1545 мерапрыемстваў.
Мастацкая самадзейнасць з'яўляецца адным з асноўных відаў эстэтычнага выхавання насельніцтва ў раёне.
Сярод калектываў мастацкай самадзейнасці вызначаюцца:
ансамбль гарманістаў «Гарадоцкія музыкі» (раённы ЦТК і НТ);
вакальна-інструментальны ансамбль «Лель» (гарадскі Дом культуры);
вакальны гурт «Свой хіт» (гарадскі Дом культуры);
вакальны гурт «Стыхія» (гарадскі Дом культуры);
гурт эстраднага танца «Флэш» (гарадскі Дом культуры);
клуб самадзейных майстроў і мастакоў «Вытокі» (раённы Дом рамёстваў і фальклору);
народны ансамбль песні і танца «Яблынька» (гарадскі Дом культуры);
народны тэатр сатыры і гумару «Фанограф» (гарадскі Дом культуры);
народны драматычны тэатр (гарадскі Дом культуры);
народнае аматарскае аб'яднанне «Зялёная альтанка» (раённая бібліятэка);
народны ансамбль песні і музыкі «Суседзі» (Даўгапольскі сельскі Дом культуры);
народны фальклорны калектыў «Глейна» (раённы ЦТК і НТ);
народны ансамбль песні і музыкі «Дубравіца» (Дуброўскі сельскі Дом культуры);
народнае аматарскае аб'яднанне «Сладушка» (Пальмінскі сельскі Дом культуры);
народны фальклорны калектыў «Азерыца» (Езярышчанскі гарпасялковы Дом культуры);
народнае аматарскае аб'яднанне «Гаспадынька» (Кабішчанскі сельскі Дом культуры);
хор ветэранаў «Кацюша» (гарадскі Дом культуры);
фальклорны калектыў «Спадарыня» (Бычыхінскі сельскі Дом культуры).
Дзіцячыя калектывы мастацкай творчасці, якія дзейнічаюць пры Гарадоцкім гарадскім Доме культуры:
вакальны гурт «Рамантыка» ;
вакальны гурт «Кактэйль»;
вакальны гурт «Вясёлачка»;
вакальны гурт «Вясёлка» ;
гурт бальнага танца «Радасць»;
гурт творчага развіцця «РАСТок»;
гурт эстраднага танца «MixDance» ;
тэатральны калектыў «Акадэмія дзяцінства»;
тэатральны калектыў «Ералаш»;
тэатральны калектыў «Эцюд»;
узорная студыя вакальнага танца «Гармонія».
Візітнай карткай і своеасаблівым культурным брэндам Гарадоцкага раёна стала раённае свята народнай творчасці, беларускай паэзіі і фальклору «Гарадоцкі Парнас», якое праводзіцца ў гонар знакамітага земляка, аўтара паэмы «Тарас на Парнасе» Канстанціна Вераніцына. З года ў год свята аб'ядноўвае ўдзельнікаў з розных куткоў рэспублікі, расце кола людзей, зацікаўленых гісторыяй гарадоцкай зямлі, яе традыцыямі, якія сёння ўвасабляюцца у творчасці народных майстроў, паэтаў, мастакоў, самадзейных артыстаў.
Гарадоцкая зямля багатая на таленты: у 2005 годзе ансамбль гарманістаў ЦТК і НТ стаў лаўрэатам міжнароднага фестывалю «Звіняць цымбалы і гармонік» у Паставах, народны тэатр сатыры і гумару «Фанограф» стаў пераможцам 1-га Рэспубліканскага фестывалю сатыры і гумару «Аўцюкі», народны ансамбль песні і танца «Яблынька» стаў лаўрэатам абласнога агляду-конкурсу харавых і вакальных калектываў.
Кожны год калектывы мастацкай самадзейнасці прымаюць актыўны ўдзел у раённым фестывалі народнай творчасці «Гарадоцкая скарбонка».
ЛІТАРАТУРА
1. Быньков, А. На культурном пограничье / А. Быньков // Витебские вести. – 2014. – 9 окт. – С. 21.
2. Бынькоў, А. Яго муза – Музыка / А. Бынькоў // Витебские вести. – 2015. – 15 авг. – С. 13.
3. Весялуха, М. «Святы вечар добрым людзям» / М. Весялуха // Звязда. – 2016. – 23 снеж. – С. 6.
4. Гамзюк, Н. «Гарадок» для Гарадка / Н. Гамзюк // Культура. – 2014. – 9 жн. – С. 12.
5. Городокский район : [буклет] / предисл. А. Н. Мороз. – Минск : Типография Макарова и К, [2006?]. – 25 с.
6. Дюбкова, Е. Дарим людям настроение / Е. Дюбкова // Гарадоцкі веснік. – 2018. – 24 жн. – С. 4.
7. Залесская, С. На «северном полюсе» страны знают как колядовать / С. Залесская // Белорусская нива. – 2012. – 13 дек. – С. 11.
8. Маркиянова, Я. В клубах по интересам интересно / Я. Маркиянова // Гарадоцкі веснік. – 2016. – 29 кастр. – С. 8.
9. Мастацкія калектывы / падрыхт.: Т. А. Шагалеева // Памяць: Гарадоцкі раён : гісторыка-дакументальныя хронікі гарадоў і раёнаў Беларусі / рэдкал.: Н. А. Бурунова [і інш.] ; уклад. С. І. Садоўская ; мастак Э. Э. Жакевіч. – Мінск : Беларусь, 2004. – С. 729–731.
10. Мукомол, Л. От всей души / Л. Мукомол // Гарадоцкі веснік. – 2009. – 4 крас. – С. 1.
11. Навумава, Г. Усіх сабраў «Гарадоцкі Парнас» / Г. Навумава // Гарадоцкі веснік. – 2013. – 22 чэрв. – С. 4.
12. Никольская, Л. С музыкой на «ты» / Л. Никольская // Гарадоцкі веснік. – 2002. – 5 сак. – С. 2.
13. Рэзкіна, Л. П. Дзейнасць устаноў культуры і мастацкіх калектываў Гарадоцкага раёна па захаванню фальклорнай спадчыны / Л. П. Рэзкіна // Народная культура Віцебшчыны: вывучэнне, захаванне, папулярызацыя : матэрыялы навукова-практычнай канферэнцыі, прысвечанай 165-годдзю М. Нікіфароўскага, 21 мая 2010 г. / рэдкал.: Л. Вакар, Л. Кернажыцкая, В. Шышанаў. – Мінск : НББ. – С. 207–209.
14. Шлейко, Л. Городокщина культурная / Л. Шлейко // Гарадоцкі веснік. – 2018. – 9 кастр. – С. 3.
15. Шпакоўская, Г. Незабытыя мелодыі для скрыпкі / Г. Шпакоўская // Витебские вести. – 2017. – 7 дек. – С. 21.
16. Якаўлева, С. Трохгадзінны канцэрт – падарунак / С. Якаўлева // Гарадоцкі веснік. – 2015. – 28 крас. – С. 3.
СПАСЫЛКІ
