Афганистан. Без права на забвение

Афганистан. Без права на забвение

Афганистан. Без права на забвение

Художники Витебщины

Художники Витебщины

Художники Витебщины

Школа сярэдняя Коханаўская імя І. П. Кожара, ДУА. Талачынскі раён, аг. Коханава

 

Сучасная назва ДУА «Коханаўская сярэдняя школа імя І. П. Кожара Талачынскага раёна»
Тып дзяржаўная ўстанова адукацыі
Дата заснавання 1868
Месца знаходжання Віцебская вобласць, Талачынскі раён, г. п. Коханава
Сайт http://kokhanovo.tolochin.edu.by

 

Коханаўская сярэдняя школа існуе з 1868 года. Была адчынена ў доме валаснога праўлення як аднакласнае народнае вучылішча.

1 студзеня 1869 года тут вучылася 29 хлопчыкаў, у 1876 г. – 37 хлопчыкаў і 4 дзяўчынкі, у 1898–1899 гг. – 124 хлопчыкі і 22 дзяўчынкі.

З 1904 года вучылішча стала двухкласным. Яно мела кавальскую, сталярную і слясарную майстэрні.

Пасля Вялікай Кастрычніцкай рэвалюцыі называлася школай 1-й, 2-й ступеняў, з 1928 года – сямігадовай, з 1932 г. – сярэдняй.

У 1925–1927 гг. пабудаваны 2-павярховы будынак школы.

У перыяд акупацыі школьны будынак быў спалены, уся школьная маёмасць разрабавана і знішчана. Да 1944 года школу аднавілі.

З 1954 года дырэктар школы – Шарай Аляксандр Міхайлавіч.

У 1971 годзе пастаўлены сучасны шматпавярховы будынак. Мае вучэбныя кабінеты, спартыўную, актавую залы, планетарый, музей, дзе сабраны матэрыялы, прысвечаныя жыццю і дзейнасці У. I. Леніна, выпускнікам школы: паэту I. Батраку, Героям Савецкага Саюза I. П. Кожару, Ф. Я. Макавецкаму, П. Ф. Сычэнку, Я. М. Целешаву, воінам Чырвонай Арміі і партызанам, якія вызвалялі Талачыншчыну ад нямецка-фашысцкіх захопнікаў. Таксама ў школе вучыліся: народны мастак СССР М. А. Савіцкі, беларускі савецкі драматург А. Л. Петрашкевіч, кандыдаты навук В. Я. Кожар, I. С. Рымкевіч і іншыя.

У 1974–2000 гг. у школе працавала Таццяна Іванаўна Радзькова – заслужаны работнік асветы БССР.

У 2003 годзе школа становіцца ўдзельніцай міжнароднай канферэнцыі па ўкараненні інавацыйных тэхналогій. У тым жа годзе, да 135-годдзя школы, у падарунак ад абласнога ўпраўлення адукацыі атрымалі новы камп'ютарны клас.

У 2003 годзе быў адкрыты абноўлены школьны музей. Быў створаны школьны зімовы сад.

У 2012–2016 гг. у школе ажыццяўляўся праект «Укараненне мадэлі паглыбленай дыферэнцыяцыі навучання на 2-й і 3-й ступенях агульнай сярэдняй адукацыі».

Школа двойчы з'яўлялася ўдзельнікам выставы ў Маскве і двойчы была ўзнагароджана бронзавымі медалямі.

У Коханаўскай школе створана безбар'ернае асяроддзе для арганізацыі адукацыйнага працэсу вучняў з абмежаванымі магчымасцямі.

На будынку Коханаўскай школы ўсталяваны мемарыяльныя пліты былым вучням – А. М. Алюшыну, І. Батраку, І. П. Кожару, М. А. Савіцкаму. 

Адрас: Віцебская вобласць, Талачынскі раён, г. п. Коханава, вуліца Камунальная, 10.

 

Двухпавярховы будынак школы ў п. Коханава (1940). Фотаздымак з сайта https://ru.wikipedia.orgБудынак школы ў п. Коханава (канец 40-х гг). Фотаздымак з сайта http://kokhanovo.tolochin.edu.byБудынак школы ў п. Коханава (канец 60-я гг). Фотаздымак з сайта http://kokhanovo.tolochin.edu.byСучасны будынак Коханаўскай сярэдняй школы імя І. П. Кожара. Фотаздымак з сайта http://www.fotobel.byСучасны будынак Коханаўскай сярэдняй школы імя І. П. Кожара. Фотаздымак з сайта http://www.fotobel.byМемарыяльныя дошкі на будынку Коханаўскай сярэдняй школы імя І. П. Кожара Талачынскага раёна. Фотаздымак з сайта http://kokhanovo.tolochin.edu.by

ЛІТАРАТУРА

1. Бірукоў, В. Адсюль вытокі шляху ў жыццё / В. Бірукоў // Наша Талачыншчына. – 2018. – 14 лістап. – С. 1–2.

2. Бірукоў, В. Усім сэрцам любімая школа / В. Бірукоў // Наша Талачыншчына. – 2004. – 14 лют. – С. 2.

3. Бирюков, В. Идет подготовка к юбилею / В. Бирюков // Наша Талачыншчына. – 2018. – 22 снеж. – С. 4.

4. Путь длиною в 150 лет // Наша Талачыншчына. – 2018. – 8 снеж. – С. 3.

5. Серада, А. Коханаўская СШ: вопыт у рэалізацыі інавацыйных праектаў / А. Серада // Наша Талачыншчына. – 2017. – 30 верас. – С. 4.

6. Серада, А. Тут працуюць і выхоўваюць з поўнай аддачай / А. Серада // Наша Талачыншчына. – 2009. – 21 кастр. – С. 7.

7. Середа, Е. На пути к познанию окружающего мира / Е. Середа // Наша Талачыншчына. – 2017. – 25 лістап. – С. 4.